ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް) އިން އިންތިޒާމުކޮށްގެން ކުރިއަށްގެންދާ ގައުމީ ވޮލީބޯޅަ ލީގު 2025 ގެ އަންހެން ޑިވިޝަނުގައި އިއްޔެ ޖީޖީ ސްޕޯޓްސް އެކެޑަމީއާ ދެކޮޅަށް ކުޅުނު މެޗުން ފަހަތުން އަރައި ސިޓީ ފްރެންޑްސް ކުލަބު މޮޅުވެއްޖެއެވެ.

އެގޮތުން ޖީޖީ ފުރަތަމަ ސެޓު 19-25 އިން ކާމިޔާބުކޮށްފައިވަނިކޮށް ސިޓީއިން ވަނީ ފަހަތުން އަރައި ތިން ސެޓުން މޮޅުވެފައެވެ. ސިޓީ ފްރެންޑްސް އިން ސެޓުތައް ކާމިޔާބުކުރީ  25-20، 25-17 އަދި 25-18 އިންނެވެ. މި މެޗުގެ މޮޅު ކުޅުންތެރިއަކަށް ހޮވުނީ ސިޓީ ފްރެންޑްސްގެ ބިދޭސީ ކުޅުންތެރިޔާ ޖުލާލަކް ނަޗަލޮއެންއެވެ.

Ad by Hajj Corporation

މީގެ އިތުރުން ރޭގައި މިމުބާރާތުގެ ޗެންޕިއަން ވެމްކޯ ވަނީ ފްލެކްސަރ އަތުން ބަލިވެފައެވެ. ފްލްކެސަރ މިމެޗު ކާމިޔާބުކުރީ 3 ސެޓު 1 ސެޓުންނެވެ.

ފޯރިގަދަ ކުޅުމެއް ފެނިގެންދިޔަ މެޗުގެ ފުރަތަމަ ދެސެޓު ހޯދީ ފްލެކްސަރ އިންނެވެ. އެޓީމު ދެސެޓުވެސް ހޯދީ 18-25 އިންނެވެ. ނަމަވެސް ތިންވަނަ ސެޓުގައި ވެމްކޯއިން ވަނީ ކުޅުން ރަނގަުކޮށް 27-25 އިން މެޗު ކާމިޔާބުކޮށްފައެވެ. ފަހުސެޓު ފެލެކްސަރ އިން ކާމިޔާބުކުރީ 22-25 އިންނެވެ. މި މެޗުގެ މޮޅު ކުޅުންތެރިއަކަށް ހޮވުނީ ފްލެކްސަރގެ ބިދޭސީ ކުޅުންތެރިޔާ ޕައެއްމަނީއެވެ.