މުލީ އެއާޕޯޓް ތަރައްގީކުރުމުގެ މަސައްކަތްތައް ނިންމާލުމަށްފަހު، އަންނަ ބުރާސްފަތި ދުވަހު އެ އެއާޕޯޓު ހުޅުވުމަށް ތައްޔާރު ވެއްޖެއެވެ.

މުލީ އެއާޕޯޓު ހުޅުވުމުގެ ކުރިން މިދިޔަ ހުކުރު ދުވަހު އެ އެއާޕޯޓަށް ވަނީ ޓެސްޓު ފްލައިޓް ޖައްސާފައެވެ. މި ޓެސްޓު ފްލައިޓުގެ ގޮތުގައި ބޭނުންކޮށްފައިވަނީ ގައުމީ އެއަރލައިން މޯލްޑިވިއަންގެ ޑޭޝް-8 މަރުކާގެ ބޯޓެކެވެ. މިއީ ކޮމާޝަލް ދަތުރުތައް ފެށުމުގެ ކުރިން، އެކަމަށް ބޭނުންވާ އެސެސްމަންޓްތައްް ހެދުމަށް ކުރި ދަތުރެކެވެ.

މުލީ އެއާރޕޯޓަށް ވަނީ ޓެސްޓް ފްލައިޓް ޖައްސާފައި

މުލީ އެއާޕޯޓް ރަސްމީކޮށް ހުޅުވުމަށް ހަމަޖެހިފައިވަނީ ރައީސުލްޖުމްހޫރިއްޔާ ޑރ. މުޙައްމަދު މުއިއްޒު އެ އަތޮޅަށް ކުރައްވާ ދަތުރުފުޅުގެ ތެރެއިންނެވެ. މި އެއާޕޯޓަކީ 1200 މީޓަރުގެ ރަންވޭއެއް ހިމެނޭ ގޮތަށް ބިންހިއްކައިގެން ތަރައްގީކޮށްފައިވާ އެއާޕޯޓެކެވެ.

މި އެއާޕޯޓުގެ މަސައްކަތް އެމްޓީސީސީއާ ހަވާލުކުރެވުނީ 2021 ވަނަ އަހަރުގެ ފެބްރުއަރީ މަހުގެ 28 ވަނަ ދުވަހުއެވެ. މި މަޝްރޫޢުގެ އަގަކީ 212 މިލިއަން ރުފިޔާއެވެ