ރާއްޖޭގެ ޤައުމީ ޓީމުގެ ޑިފެންޑަރ މުޙަންމަދު ނިޒާމް (ޕީކޭ) ކުރިޔަށް އޮތް އެފް.އޭ.އެމް ލީގުކަޕްގައި ނިއުރޭޑިއަންޓްގެ ޓީމަށް ކުޅެން އެއްބަސްވެއްޖެއެވެ. ސުޕަރ ސްޕޯރޓްސް ޔުނައިޓެޑް (ސަސް) ގެ މުޙައްމަދު ނިޒާމް މިމުބާރާތުގައި ނިއު އަށް ކުޅުމަށް ކުލަބުން ރިލީސް ދީފައިވާކަން ނިއުގެ ޗެއާރމަން ވަނީ ކަށަވަރުކޮށްދީފައެވެ.

މީގެ އިތުރުން ނާޒިމް ނިއުގެ ފަރިތަކުރުން ތަކުގައި މާދަމާ ބައިވެރިވާނެކަމަށް ކުލަބުން މަޢުލޫމާތުދީފައިވެއެވެ.

Ad by Hajj Corporation

އެއްވަނަ ޑިވިޝަނަށް އަމާޒުހިފާފައިވާ ރާއްޖޭގެ އެންމެ ސަޕޯޓަރުން ގިނަ ކުލަބް ނިއުރޭޑިއަންޓުން ކުރިޔަށް އޮތް އެފް.އޭ.އެމް ލީގުކަޕްގައި ބައިވެރިވެފައިވާއިރު، މިމުބާރާތުގައި ނިއުރޭޑިއަންޓް ތަމްސީލުކުރާނެ ކުޅުންތެރިންގެ ސްކޮޑް މިހާރުވަނީ އެކުލަވާލާފައެވެ. ނިއުގެ ސްކޮޑްގައި ޒުވާން ކުޅުންތެރިންނާއި ފުޓްސެލްގެ އެންމެ މަތީ ފަންތީގެ ކުލުންތެރިންގެ އިތުރުން ރާއްޖޭގެ ފުރަތަމަ ޑިވިޝަނުގައި ތަޖުރިބާހުރި ކުޅުންތެރިން ހިމަނާފައިވާއިރު، ޓީމުގައި މިސްރު ކުޅުންތެރިއެއްވެސް ހިމެނިފައިވެއެވެ.

އެގޮތުން މިމުބާރާތުގައި ނިއުގެ ގޯލުބެލެހެއްޓުމަށް ޔުނައިޓެޑް ވިކްޓްރީއަށް ކުޅެމުން އަންނަ ތަޖުރިބާކާރު ކީޕަރު އަލީ ނާޖިޙް (ނާޖީ) ގެ ސޮއި ހޯދާފައިވާކަން މީގެކުރިން ވަނީ އިޢުލާން ކޮށްފައެވެ.

އާދިއްތަ ދުވަހުގެރޭ ފަށާ ލީގު ކަޕްގައި ބައްދަލުކުރަނީ، ފުރަތަމަ ޑިވިޝަންގެ ތިން ޓީމާއި ދެ ވަނަ ޑިވިޝަނުގެ ތިން ޓީމެވެ. ފުރަތަމަ ޑިވިޝަނުން އޮޑި ސްޕޯޓްސް ކްލަބް އާއި ޓީސީ ސްޕޯޓްސް ކްލަބްގެ އިތުރުން އެންމެ ފަހުން ހަތަރު އަހަރު ރާއްޖޭގެ ޗެމްޕިއަން، މާޒިޔާ ސްޕޯޓްސް އެންޑް ރެކްރިއޭޝަން ވާދަކުރާއިރު، ދެ ވަނަ ޑިވިޝަނުން މި މުބާރާތުގައި ވާދަކުރަނީ ނިއު ރޭޑިއަންޓް ސްޕޯޓްސް ކްލަބާއި މަހިބަދޫ ސްޕޯޓްސް ކްލަބް އެވެ.

5 ޓީމެއް ހިމެނޭގޮތަށް އެފް.އޭ.އެމް އިން ބާއްވާން ހަމަޖެހިފައިވާ މިމުބާރާތް މިމަހުގެ ހަތަރުވަނަ ދުވަހުގައި ފަށާއިރު، 5 ވަނަ ދުވަހުގެ ހަވީރު ނިއުރޭޑިއަންޓް އާއި މާޒިޔާ ސްޕޯރޓްސް އެންޑް ރެކްރިއޭޝަން ކުލަބު ވާދަކުރާނެއެވެ.