އިސްރާއީލުގެ ބާރުތަކުން ޣައްޒާގެ 20 މީހުން ޝަހީދުކޮށްލައިފިއެވެ. އދ އާއި އިންސާނީ އެހީގެ ޖަމާޢަތްތަކުން ވަނީ އިސްރާއީލުގެ ނުރައްކާތެރި ހަމަލާތަކަށް ފާޑުކިޔައިފައެވެ. ޣައްޒާގެ ޞިއްޙީ ވުޒާރާއިން ބުނާ ގޮތުގައި އިސްރާއީލުން ޣައްޒާއަށް ކުރަމުންދާ ހަނގުރާމައިގައި މަދުވެގެން 52,535 ފަލަސްޠީނު މީހުން ޝަހީދުވެ، 118,491 މީހުންނަށް ޒަޚަމްވެފައިވެއެވެ. ނަމަވެސް ސަރުކާރުގެ މީޑިއާ އޮފީހުން ވަނީ ޝަހީދުވި މީހުންގެ އަދަދު 61,700 އަށްވުރެ ގިނަ ވާނެކަމަށް ލަފާކޮށްފައެވެ. 2023 ވަނަ އަހަރުގެ އޮކްޓޯބަރު 7 ވަނަ ދުވަހު ޙަމާސްއިން ދިން ހަމަލާތަކުގައި އިސްރާއީލުގައި 1,139 މީހުން މަރުވެ 200 އަށްވުރެ ގިނަ މީހުން ހައްޔަރުކުކޮށްފައިވެއެވެ.