އެފްއޭއެމް ލީގު ކަޕްގެ ލީގު ބުރުގެ އެންމެ ފަހު މެޗުގައި މަހިބަދޫ ސްޕޯޓްސް ކުލަބާއި ނިއުރޭޑިއަންޓް ސްޕޯޓްސް ކުލަބު ވާދަކުރި މެޗު 2-2 އިން އެއްވަރުވެެއްޖެއެވެ.

މި ނަތީޖާއާ އެކު ލީގު ބުރު ނިމުނު އިރު 10 ޕޮއިންޓާ އެކު މާޒިޔާ ވަނީ އެއްވަނަ ހޯދާފައެވެ. ލީގު ބުރުގެ ޕޮއިންޓް ތާވަލުގައި ނިއުރޭޑިއަންޓް 7 ޕޮއިންޓާ އެކު ދެވަނައިގައި އޮތް އިރު، އޮޑި ސްޕޯޓްސް ކުލަބު 5 ޕޮއިންޓާ އެކު ތިންވަނައިގައި އޮތެވެ. ޓީސީ ސްޕޯޓްސް ކުލަބު 4 ޕޮއިންޓާ އެކު ހަތަރުވަނައިގައި އޮތް އިރު، މަހިބަދޫ އެންމެ ފަހު ވަނައިގައި އޮތީ އެންމެ ޕޮއިންޓަކާ އެކުގައެވެ.

Ad by Hajj Corporation

މެޗުގެ ފުރަތަމަ ލަނޑު ޖެހީ ނިއުގެ ތޯރިގް ޖެބްރީން 21 ވަނަ މިނެޓުގައި ޕެނަލްޓީއަކުންނެވެ. ނަމަވެސް ފުރަތަމަ ހާފުގެ އިތުރު ވަގުތުގައި މަހިބަދޫގެ ޝުއައިބު ސައީދު ވަނީ ޕެނަލްޓީއަކުން ނަތީޖާ އެއްވަރުކޮށްފައެވެ. ދެވަނަ ހާފުގެ ފުރަތަމަ މިނެޓުގައި ނިއުގެ ޔަޝްފާދު ހަބީބު ލަނޑެއް ޖެހި ނަމަވެސް، 74 ވަނަ މިނެޓުގައި މަހިބަދޫގެ ޝުއައިބު ސައީދު ވަނީ އަނެއްކާވެސް ނަތީޖާ ހަމަހަމަކޮށްފައެވެ.

މުބާރާތުގެ ސެމީ ފައިނަލްގައި އަންނަ އާދީއްތަ ދުވަހުގެ ހަވީރު މާޒިޔާ ނުކުންނާނީ ޓީސީ ސްޕޯޓްސް ކުލަބާ ދެކޮޅަށެވެ. އަދި އެރޭ އޮޑި ސްޕޯޓްސް ކުލަބު ނުކުންނާނީ ނިއުރޭޑިއަންޓާ ދެކޮޅަށެވެ. މި ދެ މެޗުން ކާމިޔާބު ހޯދާ ދެ ޓީމު ފައިނަލުގައި ވާދަކުރާނެއެވެ.