އިއްޔެ ބަންދުން ދޫކޮށްލުމަށްފަހު އިއްޔެ އަނެއްކާ ވެސް ހައްޔަރުކުރި ރައުދު އަޙްމަދު ޒިލާލްގެ ބަންދުގެ މުއްދަތުގެ ގޮތުގައި ފަސް ދުވަސް ޖަހައިފިއެވެ.

ރައުދު ބަންދުކޮށްފައިވަނީ މީގެ ކުރިން ވެސް އޭނާ ހައްޔަރުކުރި، މިދިޔަ މަހުގެ 18 ވަނަ ދުވަހު، ފުރާޅެއްގެ މައްޗަށް ވެއްޓިފައި އޮއްވާ ފެނުނު ޙައްވާ ޔުމްނު ރަޝީދުގެ މައްސަލައިގައެވެ.

Ad by Hajj Corporation

އެ މައްސަލައިގައި އޭނާ އެންމެ ފުރަތަމަ ހައްޔަރުކުރީ މިދިޔަ މަހުގެ 24 ވަނަ ދުވަހުއެވެ. އެ މައްސަލައިގައި އެ ފަހަރު އޭނާގެ ބަންދުގެ މުއްދަތު ހަ ފަހަރަށް އިތުރުކޮށްފައިވާއިރު، އިއްޔެގެ ހެނދުނުގެ ވަގުތެއްގައި ފުލުހުން އޭނާ ވަނީ ދޫކޮށްލާފައެވެ. އެހެން ނަމަވެސް އަނެއްކާ ވެސް ކްރިމިނަލް ކޯޓު އަމުރެއްގެ ދަށުން އިއްުޔެ އޭނާ ވަނީ ހައްޔަރުކޮށްފައެވެ.

އެގޮތުން އޭގެ ފަހުން ފުލުހުން ބުނި ގޮތުގައި ރައުދު ދޫކޮށްލީ، ޕްރޮސެކިއުޓާ ޖެނެރަލްގެ އޮފީހުގެ އިޖުރާއީ ލަފާގެ މަތިންނެވެ.

އެ މައްސަލައިގައި ރައުދު ހައްޔަރުކުރީ، ޔުމްނު ވެއްޓުމުގައި ރައުދުގެ ބައިވެރިވުން އޮތް ކަމަށް ބެލެވޭ ކަމަށް ތުހުމަތު ކުރުުމުގެ އިތުރުން އެ ހާދިސާ ހިނގި ވަގުތު އޭނާގެ މަސްތުގެ ހާލަތުގައި ހުރުމާއި ޖިންސީ ބޭނުންހިފުމުގެ ކުށަށް އަރައިގަތުމުގެ ތުހުމަތުގައެވެ.

އެގޮތުން ފުލުހުންގެ ފަރާތުން ލިބުނު މައުލޫމާތުން ޔަގީންވާ ގޮތުގައި ރައުދަކީ އެންމެ ފަހުން ޔުމްނުއާއެކު އުޅުނު ކަމަށް ބުނާ މީހާ އެވެ.