އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއާ ޔޫތު މިނިސްޓްރިއާ ގުޅިގެން އަންހެނުންގެ ޙައްޤުތައް ކަށަވަރުކުރުމަށް މަސައްކަތްކުރާ އަދި އިޖްތިމާޢީ ޚިދުމަތްތައް ފޯރުކޮށްދޭ އެންޖީއޯތަކާއެކު މަސައްކަތްކުރެވޭނެ ގޮތްތަކާ ގުޅޭ ގޮތުން މަޝްވަރާ ކޮށްފިއެވެ.

މި ބައްދަލުވުމުގައި އިޖުތިމާޢީ އަދި އާއިލީ ތަރައްޤީއާ ބެހޭ ވަޒީރު ޑރ ޢާއިޝަތު ޝިހާމް އަދި މިނިސްޓަރ ފޯރ ޔޫތު އެމްޕަވަރމަންޓް، އިންފޮމޭޝަން އެންޑް އާޓްސް އިބްރާހިމް ވަހީދު ވަނީ ބައިވެރިވެވަޑައިގެންފައެވެ.

Ad by Hajj Corporation

މި ބައްދަލުވުމުގައި:

1. އެންޖީއޯތަކަށް އެހީތެރިކަން ފޯރުކޮށްދީގެން، ބައިވެރިވުން އިތުރުކުރުމާއި އިޖުތިމާޢީ ކަންކަމުގައި ޝާމިލުވާ މިންވަރު އިތުރުކުރުމާ ގުޅޭގޮތުން މަޝްވަރާކުރެވުނު،

2. އެންޖީއޯތައް މެދުވެރިކޮށް މުޖުތަމަޢު ބާރުވެރިކުރުމަށް ކުރެވިދާނެ ކަންކަމާއި އެންޖީއޯތަކުގެ ދައުރު ފުޅާކުރެވޭނެ ގޮތްތަކާ ގުޅޭގޮތުން މަޝްވަރާކުރެވުނު،

3. ގުޅިގެން މަސައްކަތްކުރާއިރު، އެއް މިނިސްޓްރީން އަނެއް މިނިސްޓްރީއަށް އެހީތެރިކަން ފޯރުކޮށްދިނުމާއި ވަސީލަތްތައް ފަހިކުރެވޭނެ ގޮތްތަކާ ގުޅޭގޮތުން މަޝްވަރާކުރެވުނެވެ.

މި ބައްދަލުވުމަކީ އަންހެނުންގެ ޙައްޤުތައް ކަށަވަރުކުރުމާއި އިޖުތިމާޢީ ޚިދުމަތްތައް ފުޅާކުރުމަށް ސަރުކާރާއި އެންޖީއޯތަކާ ދެމެދު އޮންނަ ގުޅުން ބަދަހިކޮށް، އެއްބާރުލުން އިތުރުކުރުމަށް ވަރަށް މުހިންމު މަސައްކަތަކަށް ވެގެންދާނެކަމަށް ދެ ވަޒީރުން ވަނީ ފާހަގަކުރައްވާފައެވެ.