ރާއްޖޭގެ ހުރިހާ އެކެޑެމީތަކަށް ހުޅުވާލައިގެން ހުޅުމާލޭގައި ކުރިއަށް ގެންދިޔަ ''އެކަޑަމީ ޗެމްޕިއަންޝިޕް 2025'' ގެ 13 އަހަރުން ދަށުގެ ޗެމްޕިއަންކަން އެއްވެސް މެޗަކުން ބަލިނުވެ ކ.ހުރާ ހުއްރިއްޔާ ފުޓްބޯޅަ އެކަޑެމީ ހޯދައިފިއެވެ.

މިމަހު 23 އިން 25 އަށް ކުރިއަށް ގެންދިޔަ މި މުބާރާތުގެ ޗެމްޕިއަންކަން ހުއްރިއްޔާ ފުޓްބޯޅަ އެކެޑެމީން ހޯދިއިރު، އެ ޓީމް ވަނީ ފުރަތަމަ މެޗުގައި ބިސްބުރު އެކެޑެމީ އާ ބައްދަލުކޮށް 2-0އިން މޮޅުވެ، ދެވަނަ މެޗުގައި ބީޖީގެ އެކެޑެމީ އާއި 0-00 އިން އެއްވަރުކޮށްފައެވެ.

މި ނަތީޖާއާއި އެކު ހުރިއްޔާ ޓީމް ގަދަ ސޯޅައަށް ދަތުރުކުރީ ގުރޫޕް އެއްވަނަ ޓީމުގެ ގޮތުގައެވެ. ގަދަ ސޯޅާގައި ބީޖީ ޓީމާބަށްދަލުކޮށް 3-0 ގެ ނަތީޖާއިން ހުއްރިއްޔާއިން މެޗް ކާމިޔާބުކޮށް ކުއާޓަރ ފައިނަލަށް ވަނީ ދަތުރުކޮށްފައެވެ.

ހުއްރިއްޔާ ޓީމްގެ އަލީ އަލާން އިމާދު ބޯޅަ ހިފައިގެން ދަނީ

އެ ޓީމު ކުއާޓާގައި ކުޅުނީ ޖޭއެފްއޭ އެކަޑަމީއާއެވެ. މި މެޗުގައި ޕެނަލްޓީޖަހައިގެން 3-2 އިން މެޗް ކާމިޔާބުކޮށް ސެމީ ފައިނަލުގައި ޔުނޭޓެޑް ވިކުޓްރީގެ މައްޗަށް ވަނީ 1-0 އިން ކުރިހޯދައި ފަނަލަށް ދަތުރުކޮށްފައެވެ.

މި އުމުރުފުރާގެ ފައިނަލްގައި ބައްދަލުކުރީ ހުއްރިއްޔާއާއި އެކު ބިސްބުރު އެކެޑެމީއެވެ. ހުއްރިއްޔާ އެކަޑަމީ ޗެމްޕިއަންކަން ހޯދީ 0-1 ގެ ނަތީޖާއިން ބިސްބުރު ބަލިކޮށްގެންނެވެ.

އެކަޑަމީތަކުގެ މުބާރާތުގެ 13 އަހަރުން ދަށުގެ ޗެމްޕިއަންކަން ހޯދި ހުރާގެ ހުއްރިއްޔާ އެކަޑަމީ

ފައިނަލްމެޗުގައި ހުއްރިއްޔާ އެކެޑެމީން ލަނޑުޖައިދިނީ ޖަހައިދިނީ މި މުބާރާތުގައި މޮޅު ކުޅުމެއްދެއްކި ޢަލީ އަލްޝަން ސާޤިބުއެވެ.

މިމުބާރާތުގައި ހުއްރިއްޔާ އެކެޑެމީ ޓީމަށް ލަނޑުތައް ޖަހައި ދީފައިވަނީ ޢަލީ އަލާން އިމާދު ( 3 ލަނޑު) ، ޢަލީ އަލްޝަން ސާޤިބު (2 ލަނޑު) ،އަދި އަޙުމަދު އަކިޔަލް އަނީސް އެއްލަަނޑެވެ.

ޗެމްފިއަން ޓިމަށް މެޑަލް އާއި ތައްޓާއި ފައިސާގެ އިނާމު ހަވާލުކޮށްދެއްވީ ފައިނަލް މެޗުގެ ޝަރަފުވެރި މެހެމާނު މިނިސްޓަރީ އޮފް ސްޕޯޓުސް، ފިޓްނަސް އެންޑް ރިކުރިއޭޝަން ގެ ސްޓޭޓް މިނިސްޓަރ އަސްލަމް ރަހާއެވެ.

ހުއްރިއްޔާ ޓީމްގެ ޔޫދު ކުޅެނީ

މި މުބާރާތުގައި ވަނީ 18 ޓީމަކުން ބައިވެރިވެ 216 ކުޅުންތެރިން ކުޅެފައެވެ.

ހުއްރިއްޔާ އެކަޑަމީ ނިސްބަތްވާ ކ. ހުރާ ހުއްރިއްޔާ ސްޕޯޓްސް ކްލަބަކީ އަތޮޅުތަކުން އުފެދުނު އެންމެ ކާމިޔާބު ފުޓްބޯޅަ ޓީމެވެ. އެ ޓީމު ވަނީ ގިނަ އަހަރުތަކެއްވަންދެން އެއްވަނަ ޑިވިޒަން ގައި ވެސް ކުޅެފައެވެ. ރާއްޖޭގެ ފުޓްބޯޅައިގެ ރަން ޒަމާނުގައި ހުއްރިއްޔާގެ ކުޅުންތެރިންނަކީ ގައުމީ ލެވެލްގައި ވެސް ވިދުންގަދަ ބަޔެކެވެ.