ނޮޓިންގަމް ފޮރެސްޓާ ދެކޮޅަށް ކުޅުނު މެޗުން 1-0 އިން މޮޅުވެ، ޗެލްސީ އަންނަ ސީޒަންގެ ޗެމްޕިއަންސް ލީގަށް ކޮލިފައިވެފައެވެ. މިއީ 3 އަހަރު ފަހުން ޗެލްސީ މި ޔޫރަޕުގެ އެންމެ މަތީ ފަންތީގެ ވާދަވެރި މުބާރާތުގައި ބައިވެރިވާންފުރުސަތު ލިބުނު ފުރަތަމަ ފަހަރެވެ.

އެންޒޯ މަރެސްކާގެ ޓީމު ސީޒަންގެ ފުރަތަމަ މެޗުގައި މެންޗެސްޓަރ ސިޓީއަތުން ބަލިވުމަށްފަހު، ބޮކްސިންގ ޑޭއާ ހަމައަށް ބަލިވެފައިވަނީ އެންމެ މެޗެއްގައި (ލިވަޕޫލްއާ ދެކޮޅަށް) އެވެ.

Ad by Hajj Corporation

ނަމަވެސް، 22 ޑިސެމްބަރުން ފެށިގެން ފެބްރުއަރީ މަހުގެ ނިޔަލަށް ޓީމަށް ކާމިޔާބުކުރެވިފައިވަނީ އެންމެ ދެ މެޗެކެވެ. މި މުއްދަތުގައި ޓީމުގެ ކުޅުމުގެ ފެންވަރު ވަނީ ވަރަށް ބޮޑަށް ދަށްވެފައެވެ.

ސީޒަންގެ ފަހު ކޮޅުގައިވެސް ޓީމުގެ ޕަފޯމަންސް އެހާ ރަނގަޅެއް ނޫނެވެ. ނަމަވެސް ފަހު 6 މެޗުން 5 މެޗު ކާމިޔާބުކޮށް، އަދި ރޭގެ މެޗުވެސް ކާމިޔާބުކުރުމާއެކު، ޗެމްޕިއަންސް ލީގަށް ވަނީ ކޮލިފައިވެފައެވެ.