ރާއްޖެއަށް މި އަހަރު ޒިޔާރަތްކުރި ފަތުރުވެރިންގެ އަދަދު އަށް ޕަސެންޓް އިތުރުވެއްޖެ އެވެ.

ޓޫރިޒަމް މިނިސްޓްރީން އާންމުކުރާ ތަފާސްހިސާބުތައް ދައްކާ ގޮތުން އަހަރުގެ މިހާތަނަށް 938،488 ( ނުވަލައްކަ ތިރީސް އަށްހާސް ހަތަރުސަތޭކަ އަށްޑިހައަށެއް) ފަތުރުވެރިން ޒިޔާރަތްކޮށްފައިވެ އެވެ.މިއީ މިދިޔަ އަހަރުގެ މި މުއްދަތުގައި ޒިޔާރަތްކުރި ފަތުރުވެރިންގެ އަދަދާއި އަޅާބަލާއިރު 69،953 ފަތުރުވެރިން އިތުރުވުމެކެވެ.

މިހާރު ރާއްޖެ އަށް އެންމެ ގިނަ ފަތުރުވެރިން އަންނަނީ ޗައިނާއިންނެވެ. އެގޮތުން ޗައިނާއިން 110711 ފަތުރުވެރިން އައިސްފައިވާ އިރު ދެވަނަ އަށް އެންމެ ގިނަ ފަތުރުވެރިން އައިސްފައިވަނީ ރަޝިއާއިން އެއީ 101318 ފަތުރުވެރިނެވެ. ތިންވަނަ އަށް އެންމެ ގިނަ ފަތުރުުވެރިން އައި އިނގިރޭސި ވިލާތުން އައިސްފައިވަނީ 96275 ފަތުރުވެރިންނެވެ.

މީގެ އިތުރުން ދެން އެންމެ ގިނަ ފަތުރުވެރިން ޒިޔާރަތްކުރި ގައުމުތަކަކީ:

1. އިޓަލީ - 80،660 ފަތުރުވެރިން
2. ޖަރުމަނު - 71،973 ފަތުރުވެރިން
3. އިންޑިއާ - 52،580 ފަތުރުވެރިން
4. ފްރާންސް - 33،738 ފަތުރުވެރިން
5. އެމެރިކާ - 29،508 ފަތުރުވެރިން
6. ސްވިޓްޒަލޭންޑް - 21،623 ފަތުރުވެރިން
7. އޮސްޓްރޭލިއާ - 17،060 ފަތުރުވެރިން

ރާއްޖޭގައި މި ވަގުތު ފަތުރުވެރިކަމަށް 175 ރިސޯޓާއި 841 ގެސްޓްހައުސްގެ އިތުރުން 158 ސަފާރީ އުޅަނދާއި 16 ހޮޓާ ދަނީ ހިންގަމުންނެވެ.