ޑޮމެސްޓިކް ކެޓެގަރީގެ ކަރަންޓު ޓެރިފް ރޭޓް ކުޑަކުރެއްވުމަށް ނިންމަވާފައިވާކަން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހާމަކުރައްވައިފިއެވެ.

"އެކްސް"ގައި ކުރެއްވި ޕޯސްޓެއްގައި ރައީސް ވިދާޅުވީ، މި އަންނަ މަހުން ފެށިގެން ކަރަންޓު ޓެރިފް ރޭޓް ކުޑަކުރެއްވުމަށް ނިންމަވައި، އެކަން ތަންފީޒުކުރުމުގައި ދެމެހެއްޓެނިވި ގޮތެއްގައި މެނޭޖްކުރުމަށް ކަމާބެހޭ ފަރާތްތަކުން ކުރައްވަންޖެހޭ އެންމެހާ ކަންކަން ކުރެއްވުމަށް ދަންނަވާފައިވާނެ ކަމަށެވެ.

އެއާއެކު ރައީސް ވަނީ ގެންނަވަން ނިންމަވާފައިވާ ބަދަލުތަކުގެ ތަފްސީލުތައް ވެސް ހިއްސާކުރައްވާފައެވެ. އެގޮތުން:

1. 0 - 100: މިހާރުގެ ރޭޓް އަކީ 1.50 ނަމަވެސް އެ ރޭޓް 1.25 އަށް ކުޑަކުރުމަށް
2. 101 - 200: މިހާރުގެ ރޭޓް އަކީ 1.70 ނަމަވެސް އެ ރޭޓް އަކީ 1.50 އަށް ކުޑަކުރުމަށް
3. 201 - 300: މިހާރުގެ ރޭޓްއަކީ 2.15 ނަމަވެސް އެ ރޭޓްއަކީ 1.50 އަށް ކުޑަކުރުމަށް
4. 301 - 400: މިހާރުގެ ރޭޓްއަކީ 2.50 ނަމަވެސް އެ ރޭޓްއަކީ 1.50 އަށް ކުޑަކުރުމަށް
5. 401 - 500: މިހާރުގެ ރޭޓްއަކީ 2.95 ނަމަވެސް އެ ރޭޓްއަކީ 2.66 އަށް ކުޑަކުރުމަށް
6. 501 - 600: މިހާރުގެ ރޭޓްއަކީ 3.55 ނަމަވެސް އެ ރޭޓްއަކީ 3.20 އަށް ކުޑަކުރުމަށް
7. 600 އިން މަތި: މިހާރުގެ ރޭޓްއަކީ 4.25 ނަމަވެސް އެ ރޭޓްއަކީ 3.83 އަށް ކުޑަކުރުމަށް

ރައީސް އެފަދައިން ހާމަކުރެއްވިއިރު، މިފަހަކުން ކަރަންޓު ބިލުތައް ބޮޑުވެގެން އާންމުންގެ ކަންބޮޑުވުންތައް ވަނީ ވަރަށް ބޮޑުވެފައެވެ. އެހެންކަމުން މި ބަދަލުތަކާއެކު އާންމުންގެ ކަންބޮޑުވުންތަކަށް ޙައްލެއް ލިބޭނެ ކަމުގައި ބެލެވެއެވެ.