3 ރުފިޔާގެ ރޭޓުން 900 ހަނޑޫ ގުޅަ ހަދައިދޭނެ މީހަކު މާފަރު ކައުންސިލުން ހޯދަނީ
1 ޖޫން 2025 - 10:31
900 ހަނޑޫގުޅަ ހިމެނޭހެން ޢީދު ސަޔަށް ބޭނުންވާ ހެދިކާ ތައްޔާރުކޮށްދޭނެ ބަޔަކު ހޯދަން މާފަރު ކައުންސިލުން އިޢުލާންކޮށްފިއެވެ.
ސަރުކާރުގެ ގެޒެޓުގައި ކޮށްފައިވާ މި އިޢުލާންގައި ބުނެފައިވާ ގޮތުން، މި ކަމަށް އެދި ކުރިމަތިލާ ފަރާތްތަކުގެ މެދުގައި ގުރުއަތުލުން ބޭއްވޭނެ ކަމަށާއި އެމީހަކު ތައްޔާރު ކުރަން ޖެހޭނީ ގުރުއަތުން ހޮވޭ އައިޓަމްއެއް ކަމަށެވެ.
Ad by Hajj Corporation
ކައުންސިލުން ކޮށްފައިވާ އޢުލާން
މާފަރުގައި ޢީދު ފާހަގަ ކުރަން ތައްޔާރުވަމުން އަންނައިރު، މިފަހަރުގެ އަޞްޙާ ޢީދު ފާހަގަކުރުމުގެ ގޮތުން، އިސްރާޢީލް ވެރިރަށް ޓެލްއަވީވް ގައި ހުންނަ އެ ސީޓީގެ އެންމެ އުސް ޓަވަރަށް ޑްރޯން ޙަމަލާއެއް ދޭ މަންޒަރު ދައްކާލުމަށްޓަކައި މާފަރު ރައްޔިތުން އަންނަނީ ތައްޔާރުވަމުންނެވެ.
މިއީ ޔަމަނުގެ ހޫޘީން އިސްވެއޮވެ ދޭން އުޅޭ ޙަމަލާއެއް ކަމަށާއި މިފަހަރުގެ ޢީދުގައި އެ މަންޒަރު މާފަރު ރައްޔިތުންނަށް ދައްކާލުމަށް ވަރަށް ފުރިހަމައަށް ތައްޔާރުވަމުން އަންނަކަމަށް މިކަން ރާވާ އިންތިޒާމު ކުރުމުގައި އިސްކޮށް ހަރަކާތްތެރިވަމުން އަންނަ ފަރާތަކުން މި ނޫހަށް ވަނީ މަޢުލޫމާތު ދީފައެވެ.
ނ.މާފަރުގައި މިފަހަރުގެ ޢީދު ކުލަގަދަކޮށް ފާހަގަކުރުމަށް ތައްޔާރުވަމުން އަންނައިރު، މީގެ ކުރިން ފާހަގަކުރި ބައެއް ޢީދު ތަކުގައި ވަނީ އެމެރިކާގެ ވޯލްޑް ޓްރޭޑް ސެންޓަރަށް ދިން ޙަމަލާއެއްވެސް ދައްކާލާފައެވެ.
ޢީދުގެ އެންމެހާ ހަރަކާތްތައް ރާވާ އިންތިޒާމު ކުރާ ކޮމެޓީއިން މަޢުލޫމާތު ދޭ ގޮތުގައި މިފަހަރު ޢީދުގައިވެސް ތަފާތު ގިނަ ހަރަކާތްތަކެއް ފެންނާނެއެވެ. އަދި މި ކުޅިވަރުތައް ބަލާލުމަށް ވީހާވެސް ގިނަ މީހުން މާފަރަށް ޒިޔާރަތް ކުރުމަށް ދަޢުވަތުދޭ ކަމަށްވެސް އިންތިޒާމު ކޮމެޓީން ވަނީ ބުނެފައެވެ.
