ދ. ކުޑަހުވަދޫ ބަނދަރު ތަރައްޤީކުރުމުގެ މަޝްރޫޢުގެ އަމަލީ މަސައްކަތް އެމްޓީސީސީން ފަށައިފިއެވެ.

ދ. ކުޑަހުވަދޫ ބަނދަރު ތަރައްޤީކުރުމުގެ މަޝްރޫޢުގެ ދަށުންމިހާރު ކުރިއަށް ދަނީ އެއްގަމު ތޮށީގެ މަސައްކަތެވެ. މި މަޝްރޫޢުގައ،ި 103,122 ކިއުބިކް މީޓަރުގެ ސަރަޙައްދެއްގެ ފަޅު ފުންކުރުމާއ،ި 5,545 ކިއުބިކް މީޓަރުގެ ސަރަޙައްދެއްގެ ނެރު ފުންކުރުމާއ،ި 180 މީޓަރުގެ ބޭރުތޮއްޓެއް ލުމާއ،ި 372 މީޓަރުގެ ސަރަޙައްދެއްގައި އެއްގަމުތޮށި ލުމަށް ވަނީ ހަމަޖެހިފަ އެވެ.

މީގެ އިތުރުން 115 މީޓަރުގެ ސަރަޙައްދެއްގައި ރިވެޓްމެންޓް ޖެހުމާއ،ި 70 މީޓަރު ދިގު 2 މީޓަރު ފުޅާ ބްރިޖެއް ހެދުމާއ،ި 90 މީޓަރު ދިގު 2 މީޓަރު ފުޅާ ޖެޓީއެއް ހެދުމަށްވެސް ވަނީ ހަމަޖެހިފަ އެވެ. އަދި 2,265 އަކަ މީޓަރުގެ ޕޭވްމެންޓެއް ހެދުމާއ،ި ބަނދަރު ބައްތި އާއި މޫރިންގް ބޯއީސް ހަރުކުރުމުގެ މަސައްކަތްވެސް ހިމެނެ އެވެ.

މި މަޝްރޫއަކީ 83.3 މިލިއަން ރުފިޔާގެ މަޝްރޫއެކެވެ.

ރަށުގައި ދިރިއުޅޭ ފަރާތްތަކާއި ޒިޔާރާތްކުރާ ފަރާތްތަކަށްވެސް ދިމާވާ އެންމެ ބޮޑު ދައްޗަކީ ބަނދަރުގެ ދަތިކަމެވެ.

ކުޑަހުވަދޫ ބަނދަރުގެ ޖާގަ ކުޑަވުމުގެ ސަބަބުން ކަންނެލި އޮޑިތަކާއ،ި މީހުންނާއި މުދާ އުފުލާ ބޯޓުތަކާއ،ި ލޯންޗުތަކާއި އަދި ޑިންގީތައް ބަނދަރުގައި އަޅާފައި ބޭއްވުމުން ބަނދަރު އޮންނަނީ ވަރަށް ބޮޑަށް ބާރުބޮޑުވެ ތޮއްޖެހިފައެވެ. ނަމަވެސ،ް ބަނދަރު ތަރައްޤީކުރުމުގެ މަސައްކަތް ނިމުމާއެކު ދަތުރުފަތުރާއި އަދި އިޤްތިސޯދީ ގޮތުން ކުޑަހުވަދޫ ރައްޔިތުންނަށް އެތައްގޮތަކުން ފައިދާ ކުރަނެ ކަމާށް އެމްޓީސީސީން ބުނެއެވެ.

ގާތް ގަނޑަކަށް 4 ހާހެއްހާ މީހުންގެ އާބާދީއެއް އޮންނަ ކުޑަހުވަދޫ އަކީ އަތޮޅުގެ ވެރިކަންކުރާ ރަށެވެ. ކުޑަހުވަދޫ ރައްޔިތުން އާންމުކޮށް މަސައްކަތް ކުރަނީ މަސްވެރިކަމާއި ފަތުރުވެރިކަމުގެ ދާއިރާގައެވެ.