ތިލަފުށިން އުތުރު ތިލަފަޅަށް (ޔޫޓީއެފް) އަޅާ ބުރިޖުގެ މަސައްކަތްތަކާ މެދު، ޗައިނާގެ ބޭންކްއަކާއެކު މަޝްވަރާކޮށްފިއެވެ.

އިއްޔެ ކޮންސްޓްރަކްޝަން ވުޒާރާއިން "އެކްސް"ގައި ކުރި ޕޯސްޓެއްގައި ބުނީ، ތިލަފުށި- އުތުރު ތިލަފަޅު ބުރިޖުގެ ޕްރީ-ފީޒިބިލިޓީ ސްޓަޑީގެ މަސައްކަތްތައް ކުރުމަށް، ޗައިނާގެ އޭޝިއަން އިންފްރާސްޓްރަކްޗާ އިންވެސްޓްމެންޓް ބޭންކް (އޭއައިއައިބީ)އާ އެކު ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތޮލިބު މަޝްވަރާކުރައްވާފައިވާ ކަމަށެވެ.

Ad by Hajj Corporation

އަދި އެ ބުރިޖަކީ މާލެ ސަރަހައްދުގެ އިގްތިސާދަށް ކުރިއެރުން ގެނުވާނެ މަޝްރޫއެއްކަމަށް އެ ވުޒާރާއިން ކުރި ޕޯސްޓުގައި ބުންޏެވެ.

ތިލަފުށި- ޔޫޓީއެފް ބުރިޖަކުން ގުޅަން ނިންމާފައިވާކަން އިއުލާންކުރެއްވީ ރައީސް ޑރ. މުޙައްމަދު މުޢިއްޒުއެވެ. އެމަނިކުފާނު އެކަން އިއުލާންކުރެއްވީ މި އަހަރުގެ މިނިވަން ދުވަހުގެ ރަސްމީ ޖަލްސާގައި ވާހަކަފުޅު ދައްކަވަމުންނެވެ.

އެދުވަހު ރައީސް ވިދާޅުވީ، އެ މަސައްކަތް 2026 ވަނަ އަހަރު ފަށައި، ތިން އަހަރުން އެ މަސައްކަތް ނިންމުމަކީ އަމާޒެއް ކަމުގައި ރައީސް ވިދާޅުވިއެވެ.