އަޟުޙާ ޢީދު ބަންދުގައިވެސް އިޖުތިމާޢީ ވުޒާރާގެ ހޮޓްލައިންތަކުން ޚިދުމަތް ލިބިވަޑައިގަންނަވާނެކަމަށް އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާ ވިދާލުވެއްޖެއެވެ.

ހައްޖު ދުވަހާއި އަޟުޙާ ޢީދުގެ މުނާސަބަތުގައި ޖޫން މަހުގެ 5، 8 އަދި 9 ވަނަ ދުވަހަކީ ރަސްމީ ބަންދު ދުވަސްތަކެއް ކަމުން އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާ ވެސް މި ދުވަސްތަކުގައި ބަންދުވާނެއެވެ.

Ad by Hajj Corporation

އެހެންނަމަވެސް، ކުޑަކުދިންނާ ގުޅޭ މައްސަލަތައް ރިޕޯޓުކުރުމަށް ގުޅާ ހެލްޕްލައިން 1412 އަދި އިޖުތިމާޢީ އަދި ޢާއިލީ މައްސަލަތައް ރިޕޯޓުކުރުމަށް ގުޅާ ހެލްޕްލައިން 1421 އިން ކުރިއެކޭވެސް އެއްފަދައިން 24 ގަޑިއިރު މެދުކެނޑުމެއްނެތި ޚިދުމަތް ލިބެމުންދާނެއެވެ.

1412 ފޯނު ނަންބަރަކީ ޖިންސީ އަދި ޖިސްމާނީ އަނިޔާ ލިބޭ ކުދިން އަމިއްލައަށް އެ މައްސަލަތައް ކަމާ ބެހޭ ފަރާތްތަކަށް ހުށަހެޅުމަށް 2009 ވަނަ އަހަރު ލޯންޗްކުރި 24 ގަޑިއިރުގެ ހިދުމަތްދޭ ހެލްޕްލައިން އެކެވެ.