އެންޗެލޯތީ ބްރެޒިލްއާއި ހަވާލުވުމަށްފަހު ފުރަތަމަ ފަހަރަށް ބްރެޒިލްގައި ކުޅުނު މެޗުގައި ރޭގައި ޕެރަގުއޭ 1-0 އިން ބަލިކޮށް، ބްރެޒިލް 2026 ވަނަ އަހަރުގެ ވޯލްޑް ކަޕަށް ކޮލިފައިވެފައެވެ. ކާލޯ އެންސެލޮޓީގެ އުފަންދުވަހުގައި ކުޅުނު މިމެޗުގެ ފުރަތަމަ ހާފުގެ ފަހުކޮޅު ވިނިސިއަސް ޖޫނިއަރ ވަނީ މެޗުގެ ހަމައެކަނި ގޯލުޖަހާފައެވެ.
ފުރަތަމަ ހާފުގައި ބްރެޒިލްއިން ބޯޅަ ކޮންޓްރޯލްކޮށްގެން ކުޅުނުނަމަވެސް، ދެވަނަ ހާފުގައި ޕެރަގުއޭގެ ޓީމުން ކުޅުން ރަނގަޅުކޮށް، ކޯނަރ ކިކްތަކާއި ނުރައްކާތެރި ކްރޮސްތައް އިތުރުކުރިއެވެ. ނަމަވެސް ގޯލްކީޕަރު އެލިސަން އާއި ޑިފެންޑަރުން މާކިންހޯސް އަދި އެލެކްސާންޑްރޯ ގުޅިގެން ދެއްކި މޮޅު ކުޅުމާއެކު ބްރެޒިލްއިން ވަނީ ބައިކޮޅަށް ގޯލެއް ޖެހިޔަނުދީ ޕެރަގުއޭ ހުއްޓުވާފައެވެ. މެޗުގެ ތެރޭގައި މަތެއުސް ކުންހާ އާއި ވިނިސިއުސް ވަނީ އަނިޠާގެ ސަބަބުން ދަނޑުން ބާލާފައެވެ.

ކޮލިފިކޭޝަންގައި 25 ޕޮއިންޓް ހޯދައި، އާޖެންޓީނާ އާއެކު ބްރެޒިލްވެސް ވަނީ 2026 ވަނަ އަހަރުގެ ވޯލްޑް ކަޕަށް ކޮލިފައިވެފައެވެ.

Ad by Hajj Corporation