ދަނޑުވެރިކަމުގެ ދާއިރާގައި ބާރުވެރިކުރުވައި ހަމަހަމަ ފުރުސަތުތައް ހޯދައިދިނުމާއިއެކު ޒަމާނީ ދަނޑުވެރިކަން ކުރިއެރުވުމަށް ބާރު އެޅުއްވުމުގެ ގޮތުން، ކުރިޔަށް ގެންދާ ފަންނީ ތަމްރީންތައް މިހާތަނަށް 2 ރަށެއްގައި ކުރިޔަށްގެންދާއިރު، އިތުރު ރަށްތަކުގައި ތަމްރީންތައް ފެށުމަށް އަންނަނީ ތައްޔާރުވަމުންނެވެ.

ޖެންޑަރ އެކްޝަން ލާރނިންގ ސިސްޓަމް (ގާލްސް)' ޕްރޮގުރާމް އަކީ އިންޓަރނޭޝަނަލް ފަންޑް ފޮރ އެގްރިކަލްޗަރަލް ޑިވެލޮޕްމަންޓް (އިފާޑު) އާއި ދިވެހި ސަރުކާރު ގުޅިގެން މި މިވުޒާރާއިން ކުރިއަށް ގެންދާ މޯލްޑިވްސް އެގްރިބިޒްނަސް ޕްރޮގްރާމް(މެޕް) އިން ކުރިޔަށް ގެންދާ ތަމްރީންތަކެކެވެ.

Ad by Hajj Corporation

މިހާތަނަށް ށ. ގޮއިދޫ އަދި ށ. ފުނަދޫގައި ތަމްރީންތައް ކުރިޔަށްގެންދާއިރު، އިތުރު ރަށްތަކުގައި މި ޕްރޮގްރާމް ގެ ދަށުންތަމްރީންތައް ފެށުމަށް ވަނީ ހަމަޖެހިފައެވެ. އެގޮތުން ހއ. އިހަވަންދޫ، ހއ. ދިއްދޫ، ހދ. ނޭކުރެންދޫ، ހދ. ނޮޅިވަރަމް، ހދ. ހިރިމަރަދޫ އަދި ށ. ފޯކައިދޫ. ގައި ތަމްރީންތައް ކުރިޔަށްގެންދާނެއެވެ.

މިއީ ދަނޑުވެރިން، އަމިއްލަ ނަފްސު ބާރުވެރިކުރުމާއި އެކު މުޖުތަމަޢު ބާރުވެރުކުރުމުގެ ގޮތުން ކުރިއަށް ގެންދެވޭ ޓްރެއިނިންގ ޕްރޮގްރާމއެކެވެ. އެގޮތުން މި ތަމްރީންތަކުގައި ބައިވެރިންނަށް ތަސައްވަރެއް ޤާއިމްކުރުމަށާ، އެ ތަޞައްވަރަށް ވާޞިލުވުމުގައި ހުރި ފުރުސަތުތަކާއި ގޮންޖެހުންތައް ދެނެގަނެ ހުރަސްތަކުން އަރައިގަތުމަށް ޕްލޭނެއް ތައްޔާރުކުރުމާއި، ވިޔަފާރިއެއް ފަށާ ނަމަ ވިސްނަންޖެހޭ ކަންކަމާއި މިންތީގެ ހަމަހަމަ ކަމަކީ ކޮބައިކަންވެސް ބައިވެރިންނަށް އެނގިގެން ދާނެއެވެ.