ތ. ވޭމަންޑޫ ގޮނޑުދޮށަށް މިއަދު ހެނދުނު ބޮޑު މަހެއް ލައްގައިފިއެވެ.

މި މަސް ފެނުނީ މިއަދު ހެނދުނު ގޮނޑުދޮށުގައި ހިނގާލަން ދިޔަ ބަޔަކަށެވެ. ފެނުނުއިރު އެ މަސް އޮތީ މަރުވެފައެވެ.

އެ މަސްލައްގާފައިވާ ފޮޓޯ އާއި ވީޑިއޯ މީހަކު ފޭސްބުކްގައި ވަނީ ޕޯސްޓްކޮށްފައެވެ. ފޮޓޯއާއި ވީޑިއޯއިން ފެންނަގޮތުގައި އެއީ ޕައިލެޓް ވޭލް ކިޔާ ބާވަތުގެ ބޮޑުމަހެކެވެ.

އެ ބޮޑުމަހުގައި ވިއްސަކަށް ފޫޓު ހުރިކަމަށް ވެއެވެ. މި މަސް މިހާރު ވަނީ ރަށުގެ ރައްޔިތުންގެ އެހީތެރިކަމާއެކު، ޑިންގީއެއްގައި އައްސައިގެން ކަނޑަށް ބޭރުކޮށްފައެވެ.

Sand Brow - Veymandoo ah lahvefa vaa pilot whale eh

ޕައިލެޓް ވޭލްއަކީ ގްލޯބިސެފަލާ ޖިންސަށް ނިސްބަތްވާ، ކޯމަހުގެ އެންމެ ބޮޑު އެއް ބާވަތެވެ. މި ޖަނަވާރުތަކަކީ ވިސްނުންތޫނު އަދި އިޖުތިމާއީ ގޮތުން ވަރުގަދަ ގުޅުންތަކެއް ބާއްވާ ބާވަތެކެވެ. އާންމުކޮށް މި ބާވަތުގެ އަންހެން ވޭލްތައް 60 އަހަރާ ހަމައަށް ދިރިއުޅޭއިރު، ފިރިހެން ވޭލްތަކުގެ އުމުރު ގާތްގަނޑަކަށް 45 އަހަރު ހޭދަވެއެވެ.