logo
ޚަބަރު

ކައުންސިލަރުންގެ އަދަދު މަދުކުރުމާ ގުޅޭ ގޮތުން ޚިޔާލު ހޯދުމަށް މަޖިލީހަށް ޤަރާރެއް

ކައުންސިލަރުންގެ އަދަދު މަދުކުރުމާ ގުޅޭ ގޮތުން ޚިޔާލު ހޯދުމަށް މަޖިލީހަށް ޤަރާރެއް

ކައުންސިލުތަކުގެ މެންބަރުންގެ އަދަދު މަދުކުރުމާ ގުޅޭ ގޮތުން ރައްޔިތުންގެ މަޖިލީހުގެ މެންބަރުންގެ ޚިޔާލު ހޯއްދެވުމަށްޓަކައި ވެރިކަންކުރާ ޕީއެންސީގެ ފަރާތުން މަޖިލީހަށް ޤަރާރެއް ހުށަހަޅުއްވައިފިއެވެ.

ބާރަށު ދާއިރާގެ ޕީއެންސީގެ މެންބަރު އަދި އެ ޕާޓީގެ ޕާލިމެންޓަރީ ގްރޫޕުގެ ނައިބު ލީޑަރު އިބްރާހިމް ޝުޖާއު މިއަދު ހުށަހެޅުއްވި އެ ޤަރާރުގައި މައިގަނޑު ގޮތެއްގައި ފާހަގަކުރައްވާފައިވަނީ ރާއްޖޭގެ ކޮންމެ ރަށެއްގައި މަދުވެގެން ފަސް ކައުންސިލަރުން ތިބުމުގެ ސަބަބުން ދައުލަތުގެ މާލިއްޔަތަށް އެކަމުން ކުރާ އަސަރުގެ ކަންބޮޑުވުމެވެ.

Ad by Hajj Corporation

Ad by Hajj Corporation

އެގޮތުން މި ވަގުތަކީ ދައުލަތުގެ ޚަރަދުތައް އިގްތިސާދުކުރަން ޖެހިފައިވާ ވަގުތެއްގައި ރާއްޖޭގެ ކޮންމެ ރަށެއްގައި މަދުވެގެން ފަސް ކައުންސިލަރުން ތިބުމަކީ 7/2010، ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނުން ލާާޒިމުކޮށްފައި އޮތް އޮތުމަކީ ރަނގަޅުކަމެއްތޯ ސުވާލު އުފައްދަވަމުން ޝުޖާއު ވަނީ، މި ޙައްސާސީ މައްސަލައަށް އޮތް ޙައްލު ހޯދައި، މި މައްސަލައިގައި ހައްލު ހޯދުމަށް ސަރުކާރުގެ އެހެނިހެން މުއައްސަސާތަކުގެ އެހީތެރިކަމަށް ވެސް އެދިވަޑައިގަންނަވައިފއެވެ.

undefined

ބާރަށު ދާއިރާގެ މެންބަރު އިބްރާހިމް ޝުޖާއު މަޖިލީހުގެ ޖަލްސާގައި ވާހަކަފުޅު ދައްކަވަނީ -- ފޮޓޯ: ރައްޔިތުންގެ މަޖިލިސް

އެގޮތުން އެ ގާނޫނު ވުޖޫދުވި ފަހުން ފާއިތުވެ ދިޔަ 15 އަހަރުގެ ތެރޭގައި އެ ޤާނޫނަށް 15 އިސްލާޙެއް ހުށަހެޅިފައިވާ ކަމަށާއި، ނިމުނު 19 ވަނަ ރައްޔިތުންގެ މަޖިލީހުގައި ވެސް 5/2020، ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުން ކަށަވަރުކުރުމުގެ ޚާއްޞަ ޤާނޫނެއްގެ ނަމުގައި ޤާނޫނެއް ގެނެސް މައި ގާނޫނަށް އިސްލާޙު ގެނެސްފައިވާ ކަމަށާއި، އެހެންކަމުން އެ ޤާނޫނަކީ ރާއްޖޭގައި މިހާތަނަށް އެންމެ ގިނަ އިސްލާޙު ގެނެވުނު ޤާނޫނު ކަމުގައި ޝުޖާއު އެ ޤަރާރުގައި ފާހަގަކުރެއްވިއެވެ.

އަދި ފާއިތުވި 15 އަހަރުގެ ތެރޭގައި ލޯކަލް ކައުންސިލުގެ ހަތަރު އިންތިހާބެއް ބޭއްވި، އެތަކެއް ހާސް ކައުންސިލަރުންނެއް އިންތިޙާބުކޮށް، އެތަކެއް ބިލިއަން ރުފިޔާ ދައުލަތުގެ ބަޖެޓުން އެ ނިޒާމަށް ޚަރަދުވެފައިވާއިރު، މި ނިޒާމުގެ ސަބަބުން ހިންގުމަށް އައި އިތުރު ބަދަލަކާއި ފަސޭހައެއް ނުވަތަ އެ ނިޒާމުގެ ސަބަބުން ރަށްތަކާއި އަތޮޅުތަކުގެ ތަރައްގީއަށް ގެނެވުނު އިތުރު ބަދަލެއް ފެންނަން ނެތް ކަމަށް ވެސް ޝުޖާއު ފާހަގަކުރައްވާފައިވެއެވެ.

އެހެން ނަމަވެސް އެ ނިޒާމުން ފާހަގަކުރެވުނީ، ރާއްޖޭގެ އެކި ކަންކޮޅުތަކުގެ އެކި ސިޔާސީ ޕާޓީތަކުގެ ރާއްޖޭގެ އެކި ކަންކޮޅުތަކުގައި އެކި ސިޔާސީ ޕާޓީތަކުގެ އިސް ހަރަކާތްތެރިން ރަށްތަކުގެ އިދާރީ ހިންގުމުގެ އެންމެ އިސްވެރިންގެ ގޮތުގައި އިންތިހާބުކުރާ ނިޒާމަކަށް މި ނިޒާމު ބައްޓަންވެގެން ގޮސްފައި އޮތުން ކަމުގައި ވެސް ޝުޖާއު ފާހަގަކުރެއްވިއެވެ.

undefined

އައްޑޫ ސިޓީ ހިތަދޫ -- ފޮޓޯ/ އައްޑޫ ލައިވް

އެގޮތުން އިދިކޮޅު ޕާޓީން ނެރޭ ކެންޑިޑޭޓުން ގިނަ ފަހަރަށް ސަރުކާރަށް އެއްބާރުލުން ނުދޭކަމުގެ ޝަކުވާ އާންމުވެފައި އޮންނައިރު، ސަރުކާރުން ހިންގާ ތަރައްގީގެ މަޝްރޫއުތަކަށް ވެސް ސީދާ ގޮތެއްގައި ހުރަސް އަޅާފައި އެބަހުރިކަން އެ ޤަރާރުގައި ޝުޖާއު ފާހަގަކުރެއްވިއެވެ. އަދި "ކަތީބުން ގެއަށް ފޮނުވާލައި" ރައްޔިތުން އިންތިހާބު ކުރާ ކައުންސިލަރުން ތިބޭ ގޮތަށް ފޮނި އުންމީދުތަކާ ގެނައި ނިޒާމެއް ނަމަވެސް، މިހާރު މި ނިޒާމު އޮތީ "ސިޔާސީ ޕާޓީތަކުގެ އެކްޓިވިސްޓުންނަށް" ޖާގަ ދޭ ނިޒާމެއްގެ ގޮތުގައި ކަމަށް ވެސް ޝުޖާއު ފާހަގަކުރެއްވިއެވެ.

މި ނިޒާމުގެ ސަބަބުން މިހާތަނަށް ފާހަގަވެފައިވަނީ ރާއްޖޭގެ އެކި ކަންކޮޅުތަކުގައި އެކި ސިޔާސީ ޕާޓީތަކުގެ އިސް ހަރަކާތްތެރިން ރަށްތަކުގެ އިދާރީ ހިންގުމުގެ އެންމެ އިސްވެރިންގެ ގޮތުގައި އިންތިހާބުކުރާ ނިޒާމަކަށް މި ނިޒާމު ބައްޓަންވެގެން ގޮސްފައި އޮތުމެވެ. އިދިކޮޅު ޕާޓީން ނެރޭ ކެންޑިޑޭޓުން ގިނަ ފަހަރަށް ސަރުކާރަށް އެއްބާރުލުން ނުދޭކަމުގެ ޝަކުވާ އާންމުވެފައި އޮންނައިރު، ސަރުކާރުން ހިންގާ ތަރައްގީގެ މަޝްރޫއުތަކަށް ވެސް ސީދާ ގޮތެއްގައި ހުރަސް އަޅާފައި އެބަހުއްޓެވެ، - ބާރަށު ދާއިރާގެ ޕީއެންސީގެ މެންބަރު އަދި އެ ޕާޓީގެ ޕާލިމެންޓަރީ ގްރޫޕުގެ ނައިބު ލީޑަރު އިބްރާހިމް ޝުޖާއު ހުށަހެޅުއްވި ޤަރާރު

މީގެ އިތުރުން، މި ނިޒާމަށް ދައުލަތުން ކުރާ ހޭދަ ބޮޑުއިރު، އެކަށީގެންވާ ނަތީއްޖާއެއް ނުނެރެވޭކަން ފާހަގަކުރައްވަމުން ޝުޖާއު ވަނީ މި ނިޒާމުގައި ދެކޮޅު ނުޖެހޭ އެތައް ކަމެއް ހިނގާކަން ވެސް ފާހަގަކުރައްވާފައެވެ. އެގޮތުން އާބާދީ ކިތަންމެ ކުޑަ ރަށެއް ނަމަވެސް 5 ކައުންސިލަރުން ތިބޭ ކަމަށާއި، އާބާދީ ބޮޑު އަދި ކުރަންޖެހޭ މަސައްކަތްތައް ވެސް ގިނަ ރަށުގެ ކައުންސިލަރުންގެ މުސާރައާއި އިނާޔަތްތައް ވެސް އާބާދީ މަދު އަދި މަސައްކަތްތައް މަދު ރަށުގެ ކައުންސިލަރުންގެ މުސާރައާއި އިނާޔަތްތައް ވެސް އެއްވަރުކަމުގައި ޝުޖާއު ފާހަގަކުރެއްވިއެވެ.

އަދި ފުލްޓައިމްކޮށް ފަސް ކައުންސިލަރުން ތިބެން ޖެހޭތޯ ވެސް ސުވާލު އުފައްދަވައި ޝުޖާއު ވަނީ، އޭގެ ބަދަލުގައި ފުލްޓައިމްކޮށް އެކެއް ނުވަތަ ދެ ކައުންސިލަރުން ތިބެފައި ދެން ތިބި ކައުންސިލަރުންނަކީ ސިޓިން އެލަވެންސެއް ދެވޭ ބަޔަކަށް ހެދިއްޖެ ނަމަ އެތަކެއް ގުނައަކަށް ޚަރަދު ކުޑަކުރެވޭނެ ކަން ވެސް ޝުޖާއު ވަނީ ފާހަގަކުރައްވާފައެވެ.

401889_db527771-e_.jpg

 މ. ނާލާފުށި ރަށު ކައުންސިލް އަދި އ.ތ.މ. އާ ބައްދަލުކުރައްވަނީ -- ފޮޓޯ: ރައީސް އޮފީސް

އަދި މިގޮތަށް ހަދައިފި ނަމަ، އެތައް ގުނައެއް ހަރަދު ކުޑަކުރެވިގެންދާނެ އަދި ޕްރޮފެޝަނަލް އިލްމީ ގާބިލު އެތަކެއް ބައެއްގެ ވިސްނުމާއި ހަކަތަ ރަށްރަށުގެ ހިންގުމަށް ޖާގަ ލިބިގެންދާނެ ކަމަށް ވެސް ޝުޖާއު ވަނީ ފާހަގަކުރައްވާފައެވެ.

ޝުޖާއު ވަނީ ޤާނޫނު އަސާސީއަށް ޙުރުމަތްތެރިކޮށް ހިތައި، ޤާނޫނީ ވެރިކަމެއް ނަގަހައްޓައި ދެމެހެއްޓުމަށްޓަކައި މި ސަރުކާރުން ލާމާރުކަޒީ ނިޒާމު ހަރުދަނާ ކުރަން ޚާއްސަ ވުޒާރާއެއް އުފެއްދެވިކަން ފާހަގަކުރައްވައި، އެ ވުޒާރާއިން އެ ލޯކަލް ގަވަމެންޓް އޮތޯރިޓީއާއެކު ކުރެވުނު ދިރާސާގެ ޤާނޫނީ އިސްލާހުތައް ލަސްތަކެއް ނުވެ މަޖިލީހަށް ހުށަހަޅުއްވާނެ ކަމުގައި ދެކެވަޑައިގަންނަވާކަން ވެސް ހާމަކުރައްވާފައެވެ.

ކައުންސިލުތަކުގެ އަދަދާ ގުޅޭ ގޮތުން މަޖިލީހަށް މިފަދަ ޤަރާރެއް ހުށަހަޅާފައިވާއިރު، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެސް މިދިޔަ އަހަރު ވަނީ އެ ކަމާ ގުޅޭ ގޮތުން އެމަނިކުފާނުގެ ޚިޔާލު ފާޅުކުރައްވާފައެވެ. އެގޮތުން 3،000 އިން ދަށުގެ އާބާދީތަކުގައި ރައީސް ދެކެވަޑައިގަންނަވާ ގޮތުގައި އެންމެ ރަނގަޅު ގޮތަކީ ތިން ކައުންސިލަރުން ތިބޭ ގޮތް ހެދުމެވެ.

 

Hajj Corpooration

Hajj Corpooration

ކޮމެންޓް

ގުޅުންހުރި ލިޔުންތައް

ޔާމީން ދެއްކި ކެންޑިޑޭޓަށް ލިބުނީ 10 ވޯޓު، މެމްބަރުކަން ލިބުނީ ޔާމީންގެ ފޮޓޯ ދައްކައިގެނެއްނޫން: ހަމީދުޚަބަރު | 36 މިނިޓު ކުރިންމީޑިއާ ރެގިއުލޭޓްކުރާ ބިލަށް އާންމުންގެ ޚިޔާލު ހޯދަން ކޮމިޓީން ނިންމައިފިޚަބަރު | 2 ދުވަސް ކުރިންއެމްއެމްސީ އާއި ބްރޯޑްކޮމް އެއްކޮށްލުމުން ލިބޭނެ ރަނގަޅު ފައިދާތައް ފެނޭ: އިބްރާހީމް ޙުސައިންޚަބަރު | 3 ދުވަސް ކުރިންޖެހިޖެހިގެން ތިން އިންތިޚާބުން އެމްޑީޕީ ބަލިވީމަ ވެސް ކިޔަނީ ''ތާއީދެއް ނެތޭ": ޒަރީރުޚަބަރު | 3 ދުވަސް ކުރިން