2002 ގެ ކުރިން ހިނގަމުންއައި ކޯސްތައް 2027 ގެ ނިޔަލަށް އަލުން ހުއްދަ ނުހޯދާނަމަ އެ ކޯސްތައް ބާތިލްވާނެކަމަށް މޯލްޑިވްސް ކޮލިފިކޭޝަން އޮތޯރިޓީ، އެމްކިއުއޭގެ ސީއީއޯ ފިޒާނާ ރަޝީދު ވިދާޅުވެއްޖެއެވެ.

އައު އެކްރެޑިޓޭޝަން ގައިޑްލައިންގެ ދަށުން މިއަދާ ހަމައަށް 565 ކޯހަކަށް އެކްރެޑިޓޭޝަން ދީފައިވެެއެވެ. އަދި މި އަހަރުގެ މިހާތަނަށް 132 ކޯހަކަށް އެކްރެޑިޓޭޝަން ދީފައިވެެއެވެ.

އެމްކިއުއޭގެ ސީއީއޯ ފިޒާނާ ރަޝީދު ވިދާޅުވީ 2027ގެ ނިޔަލަށް 2022 ވަނަ އަހަރުގެ ކުރިއަށް އެޕްރޫވްކޮށްފައިހުރި އެއްވެސް ކޯހެއް ނުހިނގޭނެކަމަށެވެ. އެ ކޯސްތައް ހިނގަން ބޭނުންނަމަ އަލުން ހުއްދަ ހޯދަން ޖެހޭނެކަމަށް ފިޒާނާ ވިދާޅުވިއެވެ

Ad by Hajj Corporation

މޯލްޑިވްސް ކޮލިފިކޭޝަން އޮޓޯރިޓީއަކީ ރާއްޖޭގައި ހިންގާ ކޯސްތައް، ޤައުމީ ސަނަދުގެ މިންގަނޑުތަކަށް ލެވެލްކުރުމާއި، މިފަދަ ކޯސްތައް ރާއްޖޭގައި ހިންގުމުގެ ހުއްދަދޭ ފަރާތެވެ.

އެމްކިއުއޭގެ ސީއީއޯ ފިޒާނާ ރަޝީދު ވިދާޅުވީ އެ އޮތޯރިޓީގެ މެންޑޭޓުގެ ތެރޭގައި ކޯސްތަކަށް އެކްރެޑިޓޭޝަންދިނުން ހިމެނޭކަމަށެވެ. އެގޮތުން މަތީ ތަޢުލީމާއި ބެހޭ ވުޒާރާގައި ރަޖިސްޓްރީވާ ހުރިހާ ތަނަކުން އިންސިޓިއުޓްއެއްގެ ގޮތުގައި ރަޖިސްޓްރީ ވާނަ އެމްއެމްކިއުއެފް ލެވެލް 1 އަކުން 10އަކަށް ކޯހެއް ހިނގާނަމަ ހުއްދަ ހޯދަން ޖެހޭނެއެވެ.