އިނގިރޭސި ޕްރިމިއަރ ލީގުގެ 2025-2026 ސީޒަނުގެ ފުރަތަމަ ހަފްތާގައި މެންޗެސްޓަރ ޔުނައިޓެޑް އާއި އާސެނަލް ބައްދަލުކުރަން ހަމަޖެހިއްޖެއެވެ.

ފާއިތުވި ސީޒަން ނިމުނުތާ މަހެއްހާ ދުވަސް ވެފައިވަނިކޮށް، ބުދަ ދުވަހު ޕްރިމިއަރ ލީގުން ވަނީ އައު ސީޒަނުގެ މެޗު ތާވަލު އިއުލާނުކޮށްފައެވެ. ޕެޕް ގުއާޑިއޯލާގެ ދަށުން ހަވަނަ ޕްރިމިއަރ ލީގު ތަށި ހޯދުމަށް މަސައްކަތްކުރާ މެންޗެސްޓަރ ސިޓީން އޮގަސްޓް 16 ވަނަ ދުވަހު ވޯލްވަރހެމްޕްޓަން ވޯންޑަރާސްއާ ބައްދަލުކުރާނެއެވެ.

އާނެ ސްލޮޓްގެ ޗެމްޕިއަން ޓީމު އޮގަސްޓު 15 ގައި ބޯންމައުތް އާއި ވަދަކުރަން ހަމަޖެހިފައިވާއިރު، ދެވަނަ ހަފްތާގައި ނިއުކާސަލްއާ ބައްދަލުކުރުމަށްފަހު، ޗެމްޕިއަންސް ލީގުގައި ވާދަކުރާ އަނެއް ޓީމް، އާސެނަލްއާ ބައްދަލުކުރާނެއެވެ. ވޭތުވެދިޔަ ތިން ސީޒަނުގައިވެސް ރަނަރަޕް އަށް ދިޔަ އާސެނަލްގެ ފުރަތަމަ ހަ މެޗުގައި މެންޗެސްޓަރ ޔުނައިޓެޑް، ލިވަޕޫލް، މެންޗެސްޓަރ ސިޓީ އަދި ނިއުކާސަލްއާ ބައްދަލުކުރާނެއެވެ.

އެވަރޓަންގެ ގިނަ ދުވަސްވީ ހޯމް ގްރައުންޑް، ގުޑިސަން ޕާކާ ވަކިވުމަށްފަހު، އެ ޓީމުގެ އައު 53،000 ކެޕޭސިޓީގެ ސްޓޭޑިއަމް، ބްރެމްލީ-މޫރ ޑޮކްގައި ކުޅޭ ފުރަތަމަ މެޗުގައި އޮގަސްޓް 23 ވަނަ ދުވަހު ބްރައިޓަންއާ ބައްދަލުކުރާނެއެވެ.

ޓޮޓެންހެމްގެ އައު ކޯޗު ތޯމަސް ފްރޭންކްގެ ފުރަތަމަ ޕްރިމިއަރ ލީގު މެޗުގައި އޮގަސްޓް 16 ވަނަ ދުވަހު ބަރންލީއާ ބައްދަލުކުރާނެއެވެ. އެއީ ޔޫރަޕާ ލީގު ޗެމްޕިއަން ޓޮޓެންހެމް، ޗެމްޕިއަންސް ލީގު ކާމިޔާބުކުރި ޕީއެސްޖީއާއެކު ޔޫއެފާ ސުޕަރ ކަޕުގައި ކުޅުމަށްފަހު ތިން ދުވަސް ފަހުންނެވެ. 2016-2017 ސީޒަނަށްފަހު ފުރަތަމަ ފަހަރަށް ޕްރިމިއަރ ލީގަށް އައި ސަންޑަލޭންޑުން ވެސްޓްހެމްއާ ބައްދަލުކުރާއިރު، ދެ އަހަރުގެ މެދުކެނޑުމަކަށްފަހު އެނބުރި އައި ލީޑްސް ފުރަތަމަ މެޗުގައި އެވަރޓަންއާ ބައްދަލުކުރާނެއެވެ.