ދިވެހިބަހާއި ސަގާފަތާއި ތަރިކައާ ބެހޭ ވުޒާރާއިން ޤައުމީ ފެންވަރުގައި ފާހަގަކުރާ އެކިއެކި ދުވަސްތަކުގެ ރަސްމިއްޔާތުތަކުގައި ބޭނުންކުރުމަށްޓަކައި 10000 ޤައުމީ ދިދަ (2 ފޫޓު، 3 ފޫޓޫގެ) އަދި މި ދިދަތައް ހަރުކުރުމަށްޓަކައި 10000 ދިދަ ދަނޑި އަމިއްލަ ތަކެތީގައި ހަދާދޭނެ ފަރާތެއް ހޯދުމަށް އެ ވުޒާރާއިން އިޢުލާންކޮށްފިއެވެ.

މި ބިޑާ ގުޅޭ މަޢުލޫމާތު ސާފުކުރުމުގެ ބައްދަލުވުން ބޭއްވުމަށް ހަމަޖެހިފައިވަނީ މިއަދުގެ 13:00 ގައި ދިވެހިބަހާއި ސަގާފަތާއި ތަރިކައާ ބެހޭ ވުޒާރާ (ޤައުމީ ދާރުލްއާސާރު ބިލްޑިންގ) ގައެވެ. އަދި ބިޑު ހުށަހަޅަން ހަމަޖައްސާފައިވަނީ 30 ޖޫންގެ 13:00 އެވެ.

މި މަސައްކަތާ ގުޅޭ އިތުރު މަޢުލޫމާތު ސާފުކުރުމަށް 3036999 ނަންބަރު ފޯނާ ގުޅުއްވުމަށްވެސް އެ ވުޒާރާއިން ވަނީ އެދިފައެވެ.

ރާއްޖޭގެ މިނިވަންކަމަށް 60 އަހަރުފުރުން ކުލަގަދަކޮށް ފާހަގަކުރުމަށް ސަރުކާރުން ނިންމާފައިވާއިރު، މި ދުވަހާ ގުޅިގެން ގިނަ ހަރަކާތްތަކެއް ކުރިއަށް ގެންދިއުމަށް ވަނީ ނިންމާފައެވެ.