މަޤޫދޫ ހެލްތް ސެންޓަރުގެ 50 އަހަރުގެ ޔޫބީލް ފާހަގަކުރުމުގެ ގޮތުން އިންތިޒާމްކޮށްގެން ބޭއްވި މުއައްސަސާ ކަޕްގެ އަންހެން ޑިވިޝަން ހެލްތް ސެންޓަރުން އަދި ފިރިހެން ޑިވިޝަން ފެނަކައިން ވަނީ ކާމިޔާބުކޮށްފައެވެ.

މަޤޫދޫގެ ސަރުކާރުގެ މުއައްސަސާތަކަށް ހުޅުވާލައިގެން ކޮންމެ އަހަރަކު ބާއްވާ މި މުބާރާތުގައި މިއަހަރު ވަނީ އަންހެން އަދި ފިރިހެން ދެ ޑިވިޝަނަށް ބަހާލައިގެން ވޮލީ މެޗުތަކެއް ކުޅެފައެވެ. މި ގޮތުން ދެ ޑިވިޝަނުގައިވެސް ޖުމްލަ 4 ޓީމު ވަނީ ވާދަކޮށްފައެވެ. ކޮންމެ ޓީމެއްގައިވެސް އާންމުންގެ ތިން ކުޅުންތެރިންނަށް ބައިވެރިވުމުގެ ފުރުސަތު ދީފައިވެއެވެ.

ޖޫން މަހުގެ 15 އިން 23 އަށް ކުރިއަށް ގެންދެވުނު މި މުބާރާތުގެ އަންހެން ޑިވިޝަންގެ ފައިނަލުގައި ހެލްތް ސެންޓަރުގެ ޓީމުން ވަނީ ކައުންސިލްގެ ޓީމު ބަލިކޮށް ޗެމްޕިއަންކަން ހޯދާފައެވެ. އަދި ފިރިހެން ޑިވިޝަންގެ ފައިނަލުގައި ފެނަކައިގެ ޓީމުން ވަނީ ހެލްތް ސެންޓަރުގެ ޓީމު ބަލިކޮށް އެ ޑިވިޝަންގެ ޗެމްޕިއަންކަން ހޯދާފައެވެ.

އަންހެން ޑިވިޝަނުގެ ޗެންޕިއަން ޓީމު (ހެލްތް ސެންޓަރ / މަތީގައި) އަދި ރަނަރަފް ޓީމު ކައުންސިލް (ތިރީގައި)

މުބާާރާތުގެ ދެޑިވިޝަނުގެ އެންމެ މޮޅު ފަސް ކުޅުންތެރިން.

މި މުބާރާތުގެ މައިގަނޑު މަޤްސަދަކީ މަޤޫދޫގެ ސަރުކާރުގެ އޮފީސްތަކުގެ މެދުގައި އެކުވެރިކަމާއި އެއްބައިވަންތަކަން ޤާއިމުކުރުމާއި، މުވައްޒަފުން ދުޅަހެޔޮ ސިއްހަތެއްގައި ދެމިތިބުމަށް ބާރުއެޅުމެވެ. މި މުބާރާތަކީ މަޤޫދޫ ހެލްތް ސެންޓަރުގެ 50 އަހަރުގެ ޔޫބީލް ފާހަގަކުރުމުގެ ގޮތުން އެ މަރުކަޒުން އިންތިޒާމްކޮށްގެން ބޭއްވި ޚާއްސަ މުބާރާތެކެވެ.މިމުބާރާތް ކުރިޔަށް ގެންގޮސްފައިވަނީ މިމަހުގެ 15 އިން 23 އަށް މަގޫދޫ ވޮލީ ކޯޓުގައެވެ.