ފީފާ ކްލަބް ވޯލްޑް ކަޕްގެ ގްރޫޕް އެޗްގެ ފަހު މެޗުގައި ރެޑް ބުލް ސޯލްޒްބާގް އާއި ދެކޮޅަށް ކުޅެ 3-0 އިން މޮޅުވެއްޖެއެވެ، މިމޮޅާއެކު ރެއާލް މެޑްރިޑް މުބާރާތުގައި ގަދަ 16 ގައި ވާދަކުރަން ޖެހޭނީ ގްރޫޕް ބީގެ ދެވަނަ ޔުވެންޓަސް އާއި ދެކޮޅަށެވެ.

ފިލަޑެލްފިއާގައި ކުޅުނު މި މެޗުގައި ފުރަތަމަ ހާފުގައި ވިނިސިއަސް ޖޫނިއާ އަދި ފެޑެރިކޯ ވަލްވަރްޑޭ ވަނީ ގޯލު ޖަހާފައެވެ. އަދި މެޗުގެ 84 ވަނަ މިނެޓްގައި ގޮންޒާލޯ ގާސިއާ ވަނީ ރެއާލްގެ ތިންވަނަ ގޯލު ޖަހައިދީފައެވެ. މިއީ މުބާރާތުގެ ފުރަތަމަ މެޗުގައި އަލް ހިލާލް އާއި ދެކޮލަށް އެއްވަރުވުމަށްފަހު، މިމުބާރާޓިގައި ޖެހިޖެހިގެން ރެއާލް އަާް ލިބުނު ދެވަނަ މޮޅެވެ.

Ad by Hajj Corporation

މި ނަތީޖާއާއެކު ސޯލްޒްބާގް ވަނީ މުބާރާތުން ވަކިވެފައެވެ.މި ގްރޫޕްގައި ސައުދީ އަރަބިއާގެ އަލް ހިލާލް މެކްސިކޯގެ ޕަޗޫކާއާއި ދެކޮޅަށް ކުޅެ 2-0 އިން މޮޅުވެ، ޕޮއިންޓް ތާވަލުގައި ދެވަނަ ހޯދައިގެން ވަނީ ގަދަ 16 އަށް ދަތުރުކޮށްފައެވެ.

ޔުވެންޓަސް އާއި ރެއާލް މެޑްރިޑް އެންމެ ފަހުން ވާދަކުރި 5 މެޗުގެ ތެރެއިން ރެއާލް ދެ މެޗުން މޮޅުވެފައިވާއިރު، ޔުވެންޓަސް ވެސް ވަނީ ދެމެޗުން މޮޅުވެ، އަނެއް މެޗުން އެއްވަރުވެފައެވެ.

މިމެޗާއެކު ގަދަ 16 އަށް ވާދަކުރާ ހުރިހާ ޓީމެއް ޔަގީންވެފައިވާއިރު، މުބާރާތުގައި ވާދަކުރާ ހުރިހާ ބްރެޒިލްގެ ޓީމެއް ވަނީ ގަދަ 16 އަށް ދަތުރުކޮށްފައެވެ.