logo
ކުޅިވަރު

ޗެންޕިއަންސް ލީގުގެ ފައިނަލިސްޓް އިންޓަރ ބަލިކޮށް ފުލޫމިނޭންސޭ ކުއާޓަރ ފައިނަލަށް

އަބްދުﷲ ޣާނިމް
1 ޖުލައި 2025 - 03:05
ސިޓީ އާއި ފުލުމިނެންސޭ ވާދަކުރިމެޗުގެ ތެރެއިން - ފޮޓޯ: އަލް ޖަޒީރާ
ސިޓީ އާއި ފުލުމިނެންސޭ ވާދަކުރިމެޗުގެ ތެރެއިން - ފޮޓޯ: އަލް ޖަޒީރާ

ފީފާ ކްލަބް ވޯލްޑް ކަޕްގެ ދެވަނަ ބުރުގައި ރޭ އިންޓަރ މިލާނާއި ދެކޮޅަށް ކުޅުނު މެޗުގައި ބްރެޒިލްގެ ފުލުމިނެންސޭ 2-0 ގެ ނަތީޖާއަކުން މޮޅުވެ، މުބާރާތުގެ ކުއާޓަރ ފައިނަލަށް ދަތުރުކޮށްފިއެވެ.

ޗާލޮޓްގެ ބޭންކް އޮފް އެމެރިކާ ސްޓޭޑިއަމްގައި ކުޅުނު މި މެޗުގައި ފުލުމިނެންސޭގެ ފުރަތަމަ ލަނޑު ޖެހީ މެޗު ފެށިތާ އެންމެ ތިން މިނެޓުގައި ޖަމަން ކެނޯއެވެ. އޭނާ މި ލަނޑު ޖަހާފައިވަނީ އަރިމަތިން ހުރަސްކުރި ބޯޅައެއް ބޮލުން ޖަހައި ގޯލުގެ ތެރެއަށް ފޮނުވާލައިގެންނެވެ.

Ad by Hajj Corporation

Ad by Hajj Corporation

މެޗުގައި އިންޓަރ މިލާނުގެ ކެޕްޓަން ލައުޓާރޯ މާޓިނޭޒްއަށް ގިނަ ފުރުސަތުތަކެއް ލިބުނު ނަމަވެސް، ފުލުމިނެންސޭގެ 40 އަހަރުގެ ގޯލްކީޕަރު ފަބިއޯ އާއި ތަޖުރިބާކާރު ކެޕްޓަން ތިއާގޯ ސިލްވާގެ ހަރުދަނާ ދިފާއީ ކުޅުމުން އެ ފުރުސަތުތައް ބޭކާރުވެގެން ދިޔައެވެ.

މެޗުގެ ފުރިހަމަ ވަގުތު ހަމަވެ އިތުރު ވަގުތުގެ ކުޅުމުގައި ބަދަލު ކުޅުންތެރިއެއްގެ ގޮތުގައި ކުޅެން އެރި ހަރކިއުލެސް ވަނީ 93 ފުލުމިނެންސޭގެ ދެވަނަ ލަނޑު ޖަހައި މެޗުގެ ނަތީޖާ ޔަގީންކޮށްދީފައެވެ.

މި މުބާރާތުގެ ކުއާޓަރ ފައިނަލުގައި ފުލުމިނެންސޭ އާއި ދެކޮޅަށް ކުޅޭނެ ޓީމެއް އެނގިގެންދާނީ މިއަދު ސައުދީ އަރަބިއްޔާގެ އަލް ހިލާލް އާއި މެންޗެސްޓަރ ސިޓީ ބައްދަލުކުރާ މެޗަށްފަހުގައެވެ. ފާހަގަކޮށްލެވޭ ކަމަކީ މި މުބާރާތުގައި ވާދަކުރާ ބްރެޒިލްގެ ހުރިހާ ޓީމެއްވެސް ވަނީ ދެވަނަ ބުރަށް ގޮސްފައިވުމެވެ.

 

Hajj Corpooration

Hajj Corpooration

ކޮމެންޓް

ގުޅުންހުރި ލިޔުންތައް

ސިޓީގެ އަމިއްލަ ދަނޑުގައި ހަމަބިމަށް ތިރިކޮށް ގުއާޑިއޯލާގެ ސުޕަ ސްކޮޑް ލަދުގަންނަވާލައިފިކުޅިވަރު | 7 ދުވަސް ކުރިންޓްރަފޯޑް އެނބުރި ސިޓީއަށް އައުމާއެކު ތާރީޚުގައި ދެބިލިޔަން ޑޮލަރު ޚަރަދުކުރި ފުރަތަމަ ކޯޗަކަށް ގުއާޑިއޯލާ ވެއްޖެކުޅިވަރު | މަހެއް ކުރިންމަޑުއެކޭ ގެ ވޯލްޑްކަޕް މެޑަލް ޓްރަމް ވަގަށް ނަގައިފި ކުޅިވަރު | މަހެއް ކުރިންޒަބީބޯލް ފޫގޮސް ހުސްއަތާ މެޑްރިޑް ސީޒަން ނިންމާލިއިރު، ޕީއެސްޖީ ވޯލްޑްކަޕްގެ ފައިނަލަށްކުޅިވަރު | 2 މަސް ކުރިން