ފްރާންސްގެ ލިލް ގެ ސްޓްރައިކަރު ޖޮނަތަން ޑޭވިޑް އިޓަލީގެ ޔުވެންޓަސް އާއި ގުޅުމަށް ހަމަޖެހިފައިވާކަމަށް ރިޕޯރޓްތައް ބުނަނަށްފަށައިފިއެވެ.

25 އަހަރުގެ ކެނެޑާއަށް ނިސްބަތްވާ ސްޓްރައިކަރު ޔުވެންޓަސް އާއެކު ސޮއިކުރާނީ 5 އަހަރުގެ އެއްބަސްވުމެއްގައެވެ. އޭނާއަށް އަހަރަކު 6.5 މިލިއަން ޔޫރޯގެ މުސާރައެއް ލިބޭނެއެވެ. މީގެ އިތުރުން ސޮއިކުރުމުގެ ބޯނަހުގެ ގޮތުގައި 1.5 މިލިއަން ޔޫރޯ ލިބޭނެއެވެ.

Ad by Hajj Corporation

ޑޭވިޑްގެ އޭޖެންޓަށް މި މުއާމަލާތުން ގާތްގަނޑަކަށް 15 މިލިއަން ޔޫރޯގެ ކޮމިޝަނެއް ލިބޭނެއެވެ. ލިލް އާއެކު އޮތް އެއްބަސްވުން ޖޫން 30 ގައި ނިމުމަކަށް އައުމާއެކު، ޑޭވިޑް ޔުވެންޓަސް އަށް ބަދަލުވަނީ ހިލޭއެވެ.

2024/25 ވަނަ ސީޒަންގައި ޑޭވިޑް ވަނީ 49 މެޗެއް ކުޅެ، 25 ލަނޑު ޖަހައި، 12 އެސިސްޓް ދީފައެވެ.