ޙަޟާރަތްތަކާ ގުޅޭގޮތުން ބާއްވާ ނީޝަން ފޯރަމްގައި ބައިވެރިވެވަޑައިގަތުމަށް ރައީސުލްޖުމްހޫރިއްޔާގެ ނައިބު އަލްއުސްތާޒު ހުސައިން މުހައްމަދު ލަޠީފް ޗައިނާއަށް ފުރާވަޑައިގެންފިއެވެ.މީސްމީޑިޔާގައި ހިއްސާކުރެއްވި ޕޯސްޓެއްގައި ނައިބު ރައީސް ވިދާޅުވީ ނީޝަން ފޯރަމްގައި ބައިވެރިވެ މުހިންމު މަޝްވަރާތަކެއް ކުރެވޭނެ ކަމަށެވެ. އަދި ފޯރަމްގައި ބައިވެރިވެވަޑައިގަންނަވާ ދުނިޔޭގެ ލީޑަރުންނާއެކު ބައްދަލުކޮށް، މުހިންމު މަޝްވަރާތަކެއް ކުރެވޭނެކަމަށް ނައިބު ރައީސް ވިދާޅުވިއެވެ.

ދުނިޔޭގެ ޙަޟާރަތްތަކާ ބެހޭ 11 ވަނަ ނިޝާން ފޯރަމް، ޖުލައި މަހުގެ 9 އަދި 10 ގައި އިރުމަތީ ޗައިނާގެ ޝަންޑޮންގް ޕްރޮވިންސްގެ ކުއުފޫ ސިޓީގައި ބޭއްވުމަށްވަނީ ހަމަޖެހިފައިވާއިރު މި ފަހަރުގެ ފޯރަމްގައި ޙަޟާރަތްތައް އުފެދުނު ގޮތާއި ކުރިއަށް އޮތްތަނުގައި ކުރިއަރާ ދެވޭނެ ގޮތްތަކާ ބެހޭގޮތުން މަޝްވަރާކުރުމަށް ވަނީ ހަމަޖެހިފައެވެ. މި ފޯރަމްގައި 800 އަށްވުރެ ގިނަ ތަޖުރިބާކާރުންނާއި ޢިލްމުވެރިން ބައިވެރިވުމަށް ހަމަޖެހިފައިވެއެވެ.