ޕަބްލިކް ސަރވިސް މީޑިއާ (ޕީއެސްއެމް)ގެ ލޯގޯ އަދި ބްރޭންޑް ހުއްދަނެތި ބޭނުންކޮށްގެން ޖުވާގެ ވެބްސައިޓްތައް އިޝްތިހާރުކުރާ މައްސަލައެއް ފުލުހުން ބަލަން ފަށައިފިއެވެ.

ފުލުހުން ރޭގައި ބުނީ ޕީއެސްއެމްގެ ލޯގޯ އަދި ބްރޭންޑް ހުއްދަނެތި ބޭނުންކޮށްގެން، ޖުވާގެ ވެބްސައިޓްތައް އިޝްތިހާރުކުރުމަށް އާޓިފިޝަލް އިންޓެލިޖެންސް (އޭއައި) މެދުވެރިކޮށް އުފައްދާފައިވާ ވީޑިއޯ އަދި އޯޑިއޯ ދައުރުކުރަމުންދާ މައްސަލަ ފުލުހުންގެ ސަމާލުކަމަށް އައިސްފައިވާ ކަމަށެވެ.

Ad by Hajj Corporation

އެ މައްސަލަބަލައި ތަހުގީގު ފަށާފައިވާކަމަށް ވެސް ފުލުހުން ބުންޏެވެ.

ދިވެހިންގެ ތެރޭގައި އޮންލައިން ޖުވާގެ ނުބައި އާދަ އާލާވަމުން އަންނައިރު، ޖުވާއަކީ އިސްލާމްދީނުގައި މަނާ ޝައިތާނީ ޢަމަލެކެވެ.

 الله ވަޙީކުރައްވާފައިވާ ބަސްފުޅުގެ މާނައިގައިވެއެވެ. "އޭ އީމާންވެއްޖެ މީސްތަކުންނޭވެ! ހަމަކަށަވަރުން، ރާއާއި، ޖުވާކުޅުމާއި، އަޅުކަންކުރަން ހަދާފައިހުންނަ ބުދުތަކާއި، ނަސީބު ހުރިގޮތް ބަލަން ގެންގުޅޭ ދުނިދަނޑިތަކަކީ، ޝައިތާނާގެ އަމަލުތަކުގެތެރެއިންވާ މުޑުދާރު ކަންކަމާއި ތަކެއްޗެވެ. ފަހެ، ތިޔަބައިމީހުން އެކަންތަކާ ދުރުވެގަންނާށެވެ! އެއީ ތިޔަބައިމީހުން ދިންނަވައި ނަސީބު ލިބުމަށްޓަކައެވެ."(މާއިދާ: 90)