ޢާންމު ރައްޔިތުން ޙައްޖަށް ދިއުމަށް ދައްކާ ފައިސާއިން ޒަކާތް ދައްކަން ޖެހޭނީ، މޯލްޑިވްސް ޙައްޖު ކޯޕަރޭޝަން ލިމިޓެޑުން ކަމަށް އިސްލާމީ ފަތުވާދޭ އެންމެ މަތީ މަޖިލީހުން ނިންމައިފިއެވެ.

އިސްލާމީ ފަތުވާދޭ އެންމެ މަތީ މަޖިލީހުން ނެރުނު ފަތުވާގައި ބުނީ، މޯލްޑިވްސް ޙައްޖު ކޯޕަރޭޝަން ލިމިޓެޑަށް ޙައްޖަށް ދިއުމަށް ދައްކާ ފައިސާއިން ޒަކާތް ދިނުމާ ގުޅޭގޮތުން އެ މަޖިލީހަށް މައްސަލައެއް ހުށަހެޅުނުކަމަށާއި، އެ މައްސަލައާ ގުޅިގެން ޙައްޖު ކޯޕަރޭޝަން ލިމިޓެޑުން އެ މަޖިލީހަށް މަޢުލޫމާތު ދިން ކަމަށާއި އެ މަޢުލޫމާތުގެ ޢަލީގައި އެ މައްސަލަ އެ މަޖިލީހުގެ މެންބަރުން ދިރާސާކުރި ކަމަށެވެ.

Ad by Hajj Corporation

އަދި އެ ދިރާސާތަކަށްފަހު ނިންމާފައިވަނީ ޢާންމު ރައްޔިތުން ޙައްޖަށް ދިއުމަށް ދައްކާ ފައިސާއިން ޒަކާތް ދައްކަން ޖެހޭނީ، މޯލްޑިވްސް ޙައްޖު ކޯޕަރޭޝަން ލިމިޓެޑުން ކަމަށް އެ ފަތުވާގައި ބުންޏެވެ.

ރާއްޖެއިން ޙައްޖަށްދާ މީހުން ގެންދަނީ ސަރުކާރުގެ ހިއްސާ އޮންނަ ޙައްޖު ކޯޕަރޭޝަނުންނެވެ. ކޮންމެ އަހަރު ޙައްޖަށް ދިޔުމަށް ރާއްޖެއަށް 1،000 ކޯޓާ ލިބެއެވެ.