ސްޕޯޓިންގ ސީޕީގެ ސްވިޑަންގެ ސްޓްރައިކަރ ވިކްޓަރ ގްޔޯކެރޭސް އާރސެނަލްއާ ގުޅުމުގެ މަގުމަތީގައިވާ ކަމަށް ފެބްރިޒިއޯ ރޮމާނޯ ހާމަކޮށްފިއެވެ. އެގޮތުން މިޓްރާންސްފާ އާއު ގުޅޭ އެންމެހައި ކަންކަން މިއަދު (14 ޖުލައި 2025) ނިމުމަކަށް އަންނާނެ ކަމަށް ބެލެވެއެވެ.

ސައުދީ ކުލަބުތަކަށް ކަމުގައިވާ އަލް ޤަދިސިއްޔާ އަދި އަލް ހިލާލުން ބޮޑެތި ހުށަހެޅުންތަކެއް ހުށަހެޅި ނަމަވެސް، ގްޔޯކެރޭސް ވަނީ ޕްރިމިއަރ ލީގަށް އިސްކަންދީ އާރސެނަލްއާއެކު ކުރިއަށް ދިއުމަށް ނިންމާފައެވެ. މި ބަދަލުވުން ފަސޭހަކުރުމަށްޓަކައި އޭނާގެ އޭޖެންޓުން ވަނީ އެމީހުންގެ ކޮމިޝަން ވެސް ދަށްކޮށްފައެވެ. މި ޑީލްގެ އަގަކީ 73.5 މިލިއަން ޔޫރޯއެވެ.

Ad by Hajj Corporation

ނިމުނު ސީޒަންގައި 52 މެޗުން 54 ލަނޑު ޖަހާފައިވާ 27 އަހަރުގެ ސްޓްރައިކަރ ވަނީ އާރސެނަލްއާއެކު 5 އަހަރުގެ އެއްބަސްވުމެއްގައި ސޮއިކުރުމަށް އެއްބަސްވެފައެވެ.

ސްޕޯޓިންގ ސީޕީން އެދުނު 70 މިލިއަން ޔޫރޯގެ އަގަށްވުރެ މަތިން އާރސެނަލުން މި ޑީލް ހަމަޖައްސާފައިވާއިރު، އިތުރު އެޑް-އޮންތަކާ ގުޅޭ މަޝްވަރާތައް ދަނީ ކުރިއަށެވެ.

"ގްޔޯކެރޭސްގެ އޭޖެންޓުން ޑީލްގެ ތަފްސީލުތައް ނިންމުމަށް ލަންޑަނަށް އައިސްފައިވާ ކަމަށް އަހަރެންނަށް އެނގިފައިވޭ. ތަފްސީލުތައް ނިމުމުން ވިކްޓަރ މެޑިކަލް ހެދުމަށް ދަތުރުކުރުމަށް ވެސް ތައްޔާރަށް. 63.5 މިލިއަން ޔޫރޯ އަދި 10 މިލިއަން ޔޫރޯގެ އެޑް-އޮންތަކާއެކު ޑީލް ގާތްގަނޑަކަށް އެއްބަސްވެވިފައި. މިއަދު ކޮމިޝަންގެ މައްސަލަ ހައްލުކުރަން ޖެހޭ،" ރޮމާނޯ ބުންޏެވެ.