ސެންޓްރަލް އޭޝިއާ ވޮލީބޯލް އެސޯސިއޭޝަން (ކާވާ) ޗެމްޕިއަންސް ލީގު މާދަމާ ރާއްޖޭގައި ފަށަން ތައްޔާރުވެއްޖެއެވެ. މިމަހުގެ 17 އިން ފެށިގެން 23 އާއި ދެމެދު ކުރިޔަށްދާ މިމުބާރާތް މާލޭ ސޯސަލް ސެންޓަރުގައި ކުރިޔަށްގެންދަން ހަމަޖެހިފައިވާއިރު، މިމުބާރާތުގައި ރާއްޖެ ތަމްސީލުކުރަނީ އެޗްޑީސީ އާއި ސިފައިންގެ ޓީމެވެ.

މި މުބާރާތުގައި ރާއްޖޭގެ ދެ ޓީމުގެ އިތުރުން، ކިރްގިސްތާންގެ ބެޝިކް، ނޭޕާލުގެ ހެލްޕް ނޭޕާލް ސްޕޯޓްސް ކްލަބް، ޒަހީކް، އަދި ސްރީލަންކާ ޕޯޓް އޮތޯރިޓީ ވޮލީބޯލް ކްލަބާއެކު ޖުމްލަ ހަޓީމެއް ބައިވެރިވާނެއެވެ. ރާއްޖޭގެ ދެ ޓީމަށް މި މުބާރާތުގައި ވާދަކުރުމުގެ ފުރުސަތު ލިބިފައިވަނީ މިދިޔަ އަހަރުގެ ފިރިހެން ވޮލީބޯޅަ ސީޒަނުގައި އެންމެ ރަނގަޅު ނަތީޖާ ހޯދި ދެ ޓީމަށް ވުމުންނެވެ.

Ad by Hajj Corporation

މީގެއިތުރުން ސޯޝަލް ސެންޓަރު އިންޑޯ ހޯލުގައި ކުޅޭ މި މުބާރާތުގެ މެޗުތައް ބެލުމަށް ފުރަތަމަ ފަހަރަށް ޓިކެޓް ވިއްކަން ނިންމާފައިވެއެވެ.

ކޮންމެ މެޗަކަށް 20 ރުފިޔާގެ އަގުގައި ޓިކެޓް ވިއްކުމަށް ހަމަޖެހިފައިވާއިރު، ގާތްގަނޑަކަށް 2000 އެއްހާ ސަޕޯޓަރުންނަށް ކުޅި ބެލުމުގެ ފުރުސަތު ލިބޭނެއެވެ. އަދި ކޮންމެ މެޗެއް ފެށުމުގެ އެއް ގަޑިއިރު ކުރިން މެޗް ޓިކެޓް ވިއްކަން ފަށާނެއެވެ.