އއ. މާޅޮހުގައި ނިދާފައި އޮއްވާ އަނިޔާވެރި ގޮތަކަށް މާރާލާއިފައިވާ އއ. މާޅޮސް، އޯކިޑުމާގެ، އުމުރުން 65 އަހަރުގެ އަބްދުއްރަހްމާން އާދަމުގެ ހަށިގަނޑު ޕޯސްޓްމޯޓަމް ހެދުމަށް އަންނަ އާދިއްތަ ދުވަހު އިންޑިއާއަށް ފޮނުވާލަން ހަމަޖައްސައިފިއެވެ.

މި މައްސަލައިގެ ތަހުގީގާގުޅޭގޮތުން ފުލުހުން ބުނެފައިވަނީ، އިތުރު ތަހުލީލުތަކުގެ ބޭނުމަށް ޕޯސްޓު މޯޓަމް ހަދަން އަބްދުއްރަހުމާނުގެ ހަށިގަނޑު އިންޑިއާ އަށް ފޮނުވާލަން ހަމަޖެހިފައިވަނީ އަންނަ ހޯމަ ދުވަހު ކަމަށެވެ.

Ad by Hajj Corporation

މަރުގެ ސީދާ ސަބަބު ދެނެގަތުމަށާއި، ތަހުގީގަށް ބޭނުންވާ ހެކި ހޯދުމަށް ޕޯސްޓްމޯޓަމް ހެދުމަށް ފުލުހުން އަބްދުއްރަހްމާނުގެ ހަށިގަނޑު މާލެ ގެނެސްފައިވަނީ މިމަހުގެ 14 ވަނަ ދުވަހުގައެވެ.

އެނގިފައިވާގޮތުގައި އަބްދުއްރަހްމާން ދިރިއުޅެމުން ދިޔައީ ގޭގައި އޭނާގެ އަނބިމީހާއެކުގައެވެ. ނަމަވެސް ހާދިސާ ހިނގި ވަގުތު އަނބިމީހާ ހުރީ އެހެން ކޮޓަރިއެއްގައިކަމަށް އެ ރަށުމީހުންނާއި ހަވާލާދީ މީޑިއާތަކުގައި ރިޕޯޓްކޮށްފައިވެއެވެ. ނިޔާވި އަބްދުއްރަހްމާނަކީ ދިރިއުޅުމުގެ މަސައްކަތަކަށް މަސްވެރިކަން ކުރަމުން ދިޔަ ފަރާތެއްކަމަަށް އާއިލާއިންބުނެފައިވެއެވެ. އަދި އޭނާގެ 2 ކުދިން ތިބޭކަމަށް ވަނީ މައުލޫމާތު ލިބިފައެވެ.

މިމައްސަލަ ފުލުހުން ދަނީ ސީރިއަސް މައްސަލައެއް ގޮތުގައި ބަލަމުންނެވެ.

މެންދުރަށް މައުލޫމާތު ދެމުން ފުލުހުން ބުނީ މި ހާދިސާއާ ގުޅިގެން އަދި މިހާތަނަށް އެއްވެސް މީހަކު ހައްޔަރުކޮށްފައިނުވާކަމަށެވެ.