މާޅެންދޫ ރައްޔިތުންގެ މެދުގައި އެކުވެރިކަމާއި ކުޅިވަރުގެރޫޙު އާލާކުރުމުގެ މަޤުސަދުގައި ރަށުގެ ޒުވާނުންނަށް ހާއްސަކޮށްގެން މާޅެންދޫ ކައުންސިލުން އިންތިޒާމުކުރާ 'މާޅެންދޫ ކައުންސިލް ފުޓްސަލް ޗެލެންޖު' އަދި 'މާޅެންދޫ ހޭންޑްބޯލް ޗެލެންޖު' ގެ މެޗްޑޭ 2 ގައި އިއްޔެވެސް ފޯރިގަދަ މެޗުތަކެއް ކުޅެފިއެވެ.

ފުޓްސަލް ޗެލެންޖުގައި ކަބަޓާން އެންޖީ އާއި އޮރިޖިނަލް ސްޕޯރޓްސް ވާދަކުރި ފޯރިގަދަ މެޗުނިމުނީ 1-0 އިން ކަބަޓާން އެންޖީ މެޗު ކާމިޔާބުކޮށްގެންނެވެ. މިމެޗުގެ މޮޅުކުޅުންތެރިޔަކަށް ހޮވުނީ ކަބަޓާން ގެ ގޯލުކީޕަރު ފަތީނު ޔޫސުފްެއެވެ.

Ad by Hajj Corporation

އަންހެން ހޭންޑްބޯލް ޗެލެންޖުގައިވެސް އިއްޔެވަނީ ދެމެޗު ކުޅެފައެވެ. އެގޮތުން ފުރަތަމަ މެޗުގައި ކަމަނަ އާއި އުއްމީދު ވާދަކުރިމެޗު 2 ލަނޑު 15 ލަނޑުން ކާމިޔާބުކުރީ ޓީމް ކަމަނައެވެ. މިމެޗުގެ މޮޅުކުޅުންތެރިޔަކަށްހޮވުނީ ކަމަނައިގެ ޖޯޒީނަންބަރު 15 އިމާނާ ޢަލީއެވެ.

މީގެއިތުރުން ހޭންޑްބޯޅައިގެ ދެވަނަ މެޗުގައި ޗެލެންޖާރސް އާއި ސްޓަރ ސްޓްރައިކާސް ވާދަކުރިމެޗު 6 ލަނޑު 13 ލަނޑުން ކާމިޔާބުކުރީ ޗެލެންޖާރސްއެވެ. މިމެޗުގެ މޮޅުކުޅުންތެރިޔަކަށް ހޮވިފައިވަނީ ޖެލެންޖަރސްގެ މަރިޔަމް ލަޙްފާއެވެ.

މެޗްޑޭ 3 ގައި މިއަދު ހަވީރު ފުރަތަމަ މެޗުގައި ފުޓްސަލްގައި ވިކްޓްރީ ވައިޕާސް އާއި އޮރިޖިނަލްސް ވާދަކުރާއިރު، ދެވަނަ މެޗުގައި ހޭންޑްބޯލްގައި ވާދަކުރާނީ ކަމަނަ އާއި ސްޓާ ސްޓްރައިކާސް އެވެ. އަދި ރޭގަނޑު ފުރަތަމަ މެޗުގައި ހޭންޑްބޯލްގައި އުއްމީދު އާއި ޗެލެންޖާރސް އާއި ވާދަކުރާއިރު، ދެވަނަ މެޗުގައި ފުޓްސަލްގައި ކަބަޓާން އެންޖީ އާއި ކަބަޓާން އެފްޓީ ވާދަކުރާނެެއެވެ.

މިމުބާރާތުގެ ހުރިހާ މެޗެއްވެސް މާޅެންދޫ ކައުންސިލުގެ ޔޫޓިއުބް ޕޭޖުން ލައިވްކުރާނެއެވެ.