މޭޖަރ ލީގް ސޮކަރގައި ލިއޮނެލް މެސީގެ ދެ ގޯލާއި އެސިސްޓަކާއެކު އިންޓަރ މަޔާމީއިން ނިއުޔޯކް ރެޑް ބުލްސް އަތުން 5-1 އިން މޮޅުވެއްޖެއެވެ.

މެޗުގެ ފުރަތަމަ ގޯލު ކާމިޔާބުކުރީ ރެޑްބުލްސް އިންނެވެ. ނަމަވެސް މެސީގެ އެސިސްޓަކާއެކު ޖޯޑީ އަލްބާ ވަނީ މެޗު އެއްވަރުކޮށްދީފައެވެ. އަދި ޓެލާސްކޯ ސެގޯވިއާގެ ދެ ގޯލާއެކު ފުރަތަމަ ހާފް ނިމުނުއިރު މަޔާމީ ވަނީ 3-1 އިން ލީޑު ނަގާފައެވެ. އަދި ދެވަނަ ހާފުގައި މެސީ ވަނީ ދެގޯލުޖަހައިދީ މަޔާމީއަށް ތިން ޕޮއިންޓް ޔަޤީންކޮށްދީފައެވެ.

Ad by Hajj Corporation

މި މޮޅާއެކު މަޔާމީއިން ވަނީ އެމްއެލްއެސްގެ ފަހުން ކުޅުނު 7 މެޗުން 6 މެޗެއްގައި މޮޅުވެފައެވެ. މީގެ އިތުރުން މެސީ ވަނީ އެންމެ ފަހުން އެމްއެލްއެސް ގައި ކުޅުނު 8 މެޗުން 12 ގޯލާއެކު 5 އެސިސްޓް ހަދާފައެވެ.

މިމޮޅާއެކު މަޔާމީ މިވަގުތުގައި އޮތީ ތިންމެޗު މަދުން ކުޅެ، އެއްވަނައިގައިވާ ސިސިނާޓީއަށްވުރެ 7 ޕޮއިންޓް ދަށުގައި ތާވަލުގެ ފަސްވަނައިގައެވެ.