ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ވަޢުދުފުޅާއި އެއްގޮތަށް ނ. ކެނދިކުޅުދޫގައި އާރްޓިއެލްގެ ބަހުގެ ޚިދުމަތް ފައްޓަވައިދެއްވައިފިއެވެ.

ރައީސުލްޖުމްހޫރިއްޔާ ޑރ.މުޙައްމަދު މުއިއްޒު، މިހާރު ނ. އަތޮޅަށް ކުރައްވާ ދަތުރުފުޅުގައި ކެނދިކުޅުދޫއަށް ވަޑައިގެން، ދެއްކެވި ވާހަކަފުޅުގައި ވިދާޅުވީ އެމަނިކުފާނުގެ އެއް ވަޢުދުފުޅަކީ ކެނދިކުޅުދޫގައި ބަހުގެ ޚިދުމަތް ފެށުންކަމަށެވެ.

Ad by Hajj Corporation

ރައީސް ވިދާޅުވީ، އެ ޚިދުމަތް މިހާރު ފެށިފައިވާއިރު، އެ ޚިދުމަތް ރައްޔިތުންނާއި ސްކޫލް ކުދިން އެދޭގޮތަށް ފޯރުކޮށްދެއްވާނެކަމަށް ވިދާޅުވިއެވެ. އަދި އެ ޚިދުމަތް 2 ބަހުން ފެށިނަމަވެސް ކުރިއަށް އޮތްތަނުގައި ޚިދުމަތް އިތުރަށް ފުޅާކުރެވޭނެކަމަށް ރައީސް ވިދާޅުވިއެވެ.

މިމަހުގެ 21 އިން 25 އަށް ނ. އަތޮޅަށް ކުރައްވާ ދަތުރުފުޅުގައި ރައީސުލްޖުމްހޫރިއްޔާގެ އެއަތޮޅުގައި މީހުން ދިރިއުޅޭ 13 ރަށަށް ވަޑައިގަންނަވާނެއެވެ.