ދިއްދޫ ކަޕްގެ 8 ވަނަ މުބާރާތުގައި ރޭގައި ގްރޫޕް ބީ ގައި ކުޅުނު މެޗު ޓީނޭޖް ބޯއީސް ކާމިޔާބުކޮށްފިއެވެ. މި މެޗު ޓީނޭޖް ބޯއީސް ވާދަކޮށްފައިވަނީ ދިއްދޫ ސްޕޯރސް އެކަޑެމީ އާއި ދެކޮޅަށެވެ.

ރޭގެ މެޗުން ދިއްދޫ ސްޕޯރސް އެކަޑެމީ ބަލިވުމާއެކު މުބާރާތުގައި ކުރިޔަށް ދިޔުމުގެ އަމިއްލަ ބާރުވަނީ ގެއްލިފައެވެ. ރޭގެ މެޗުން މޮޅުވުމާއެކު ޓީނޭޖު ވަނީ މި ގުރޫޕުން 2 މެޗުން 6 ޕޮއިންޓް ހޯދާފައެވެ. ފުރަތަމަ މެޗުގައި ޓީނޭޖް ޑީއެކްސް އާއި ވާދަކޮށް 2-1 އިން ވަނީ މެޗު ކާމިޔާބުކޮށްފައެވެ.

ރޭގައި ދިއްދޫ ސްޕޯރސް އެކަޑެމީ އާއި ދެކޮޅަށް ކުޅުނު މެޗު ޓީނޭޖް ބޯއީސް އިން ކާމިޔާބުކުރީ ފަސޭހަކަމާއެކު 9-0 އިންނެވެ. މިމެޗުގައި ޓީނޭޖުގެ އަލީ ސާމް ހެޓްރިކް ހަދާފައިވާއިރު، ހައިޝަމް ރަޝީދާއި ހުސައިން ޒިމްޔާން އާއި ހުސައިން ނިހާން އާއި ހިސާމް ހަސަންގެ އިތުރުން މުހައްމަދު އަރުޝަދު އަދި ލަންކާގެ ކުޅުންތެރިޔާ ޗަމަދް ދިލްޝަން ވެސް ވަނީ ގޯލުޖަހާފައެވެ.

މެޗުގެ މޮޅުކުޅުންތެރިޔަކީ ހެޓްރިކް ހެދި އަލީ ޝާއިމް އެވެ.

ހެޓްރިކް ހީރޯ އަލީ ޝާއިމް

މި މުބާރާތުގައި ގްރޫޕް އޭ ގެ އެއްވަނައިގައިވާ ރިއަލް ޓީ އާއި ތާވަލުގެ ފުލުގައިވާ އެޗް.އެން ސްޕޯޓްސް ވާދަކުރާ މެޗް މިރޭ އޮންނާނެއެވެ.

މި މެޗު މެންދުރު ޓީވީން ވަގުތުން ދުރައްދައްކާނެއެވެ.