އެޓްލެޓިކޯ މެޑްރިޑްގެ އާޖެންޓީނާ މިޑްފީލްޑަރ ރޮޑްރިގޯ ޑި ޕޯލް އެމްއެލްއެސް ކްލަބް އިންޓަރ މަޔާމީއާ ގުޅުމަށް ހުރިހާ ފަރާތްތަކުން އެއްބަސްވެއްޖެއެވެ. މި ކުޅުންތެރިޔާގެ ސޮއި ހޯދުމަށް މަޔާމީއިން 15 މިލިއަން ޔޫރޯ ޚަރަދުކުރާނެކަމަށް ލަފާކުރެވެއެވެ.

2022 ވަނަ އަހަރުގެ ވޯލްޑް ކަޕް މެސީ އާއެކު ވޯލްޑްކަޕް ކާމިޔާބުކުރި އާޖެންޓީނާ ޓީމުގެ މުހިންމު ކުޅުންތެރިއެއްކަމުގައިވާ 30 އަހަރުގެ ޑި ޕޯލް އިންޓަރ މަޔާމީއާއެކު 4 އަހަރުގެ އެއްބަސްވުމެއްގައި ސޮއިކުރާނެ ކަމަށް ބެލެވެއެވެ. މިކަމާއެކު އިންޓަރ މަޔާމީގެ ތަޖުރިބާކާރު ކުޅުންތެރިންގެ ލިސްޓަށް އިތުރު ކުޅުންތެރިއަކު އިތުރުވެގެންދާނެއެވެ.

Ad by Hajj Corporation

ޑި ޕޯލްގެ މިޑްފީލްޑް ހުނަރާއި ތަޖުރިބާއަކީ ހަވިއަރ މަޝެރާނޯގެ ޓީމަށް ވަރަށް ބޮޑު ބާރަކަށް ވެގެންދާނެ ކަމެކެވެ. އަދި މި ސޮއިކުރުމާއެކު އެމްއެލްއެސްގައި އިންޓަރ މަޔާމީގެ ވާދަވެރިކަން އިތުރަށް ވަރުގަދަވެގެންދާނެ ކަމަށް ބެލެވެއެވެ.