ނ. ވެލިދޫން 2.7 ހެކްޓަރުގެ ބިން ހިއްކުމުގެ މަސައްކަތް ފަށައިފިއެވެ.

މި މަސައްކަތް އެރަށުގައި ފެށުން ޝަރަފުވެރިކޮށްދެއްވީ ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުއެވެ

Ad by Hajj Corporation

ވެލިދޫގެ ބިމަށް އިތުރު ކުރެވޭ މި ސަރަހައްދަކީ އެރަށުގައި އިޤްތިޞާދީ ފުރުޞަތުތައް އިތުރުކުމަށް ކުރިއަށްގެންދާ މަސައްކަތެކެވެ. އެގޮތުން މި މަސައްކަތުގައި އެރަށުން ހިއްކާ 2.7 ހެކްޓަރުގެ ބިން ބޭނުންކުރަން ހަމަޖެހިފައިވަނީ އޮޑިދޯނި ބާލާ އެހެލުމަށާއި އަދި ފައިބަރު މަސައްކަތް ކުރުމަށެވެ.

ބިން ހިއްކުމުގެ މަސައްކަތް ޢަމަލީގޮތުން އިފްތިތާޙުކޮށްދެއްވީ އިމާރާތްކުރުމާ ގެދޮރުވެރިކަމާ ބިނާރާ ބެހޭ ވަޒީރު ޑރ.ޢަބްދުﷲ މުއްޠަލިބެވެ.

ވެލިދޫ ބިން ހިއްކުމުގެ މަސައްކަތް ކުރިއަށްގެންދަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ އެމްޓީސީސީންނެވެ. މި މަޝްރޫޢަށް އެމްޓީސީސީގެ އެންމެ ބޮޑު ޑްރެޖަރ، މަހާޖައްރާފު ވަނީ އެރަށަށް ގެންގޮސްފައެވެ.