ޣައްޒާގައި ބަނޑުހައިކަން ފެތުރެމުންދާތީ ކަންބޮޑުވުން ފާޅުކޮށްފިއެވެ.

100 އަށް ވުރެ ގިނަ އިންސާނީ އެހީދޭ އަދި އިންސާނީ ޙައްޤުތަކަށް ވަކާލާތުކުރާ ޖަމްޢިއްޔާތަކުން މިކަމުގެ ކަންބޮޑުވުން ފާޅުކޮށް ވަގުތުން ފިޔަވަޅު އެޅުމަށް ސަރުކާރުތަކަށް ވަނީ ގޮވާލާފައެވެ.

Ad by Hajj Corporation

ބުދަ ދުވަހު 109 ޖަމްޢިއްޔާއިން ސޮއިކޮށް ނެރެފައިވާ ބަޔާނެއްގައި، މާސީ ކޯޕްސް، ނޯވޭޖިއަން ރެފިއުޖީ ކައުންސިލް، އަދި ޑޮކްޓަރސް ވިތްއައުޓް ބޯޑަރސް (އެމް.އެސް.އެފް) ފަދަ ޖަމްޢިއްޔާތައް ހިމެނޭހެން ބައިނަލްއަޤްވާމީ މުޖުތަމަޢަށް މިކަމުގެ ސީރިއަސްކަން ހަނދާންކޮށްދީފައިވެއެވެެ.

ކާބޯތަކެއްޗާއި، ސާފު ފެނާއި، ބޭހުގެ ސާމާނާއި، އެހެނިހެން ތަކެތި ޣައްޒާގެ ރަށްބޭރުގައިވަނީ ތާށިވެފައެވެ. ޔަހޫދީން އަންނަނީ އެތަކެތި ޣައްޒާއަށް ވެއްދުމަށް ހުރަސްއަޅަމުންނެވެ.

ޣައްޒާގެ ޞިއްޙަތު ވުޒާރާއިން ހާމަކުރި ގޮތުގައި، ފާއިތުވި 24 ގަޑިއިރު ތެރޭގައި ބަނޑުހައިކަމާއި ގުޅިގެން އިތުރު 10 މީހުން ޝަހީދުވެފައެވެ.

މިއާއެކު ބަނޑުހައިކަމާ ގުޅިގެން ޝަހީދުވެފައިވާ މީހުންގެ ޖުމްލަ ޢަދަދު ވަނީ 111 އަށް އަރާފައެވެ.