ނ. ވެލިދޫގައި މުޅިން އަލަށް ތަރައްޤީކުރާ ހޮސްޕިޓަލްގެ ބިންގާ އަޅައިފިއެވެ.

މި ޚާއްސަ ރަސްމިއްޔާތު ޝަރަފުވެރިކޮށްދެއްވީ، ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުއެވެ.

ވެލިދޫގައި ހޮސްޕިޓަލް ތަރައްޤީކުރުމުގެ މަސައްކަތަކީ، އާބާދީ ބޮޑެތި ރަށްތަކުގައި، ސިއްޙީ ޚިދުމަތް ހޮސްޕިޓަލް ފެންވަރަށް ގެނައުމަށް ސަރުކާރުން ފަށާފަވާ މަޝްރޫގައި ހިމަނައިގެން ފަށާ މަސައްކަތެކެވެ. މިކަމުގެ އެއްބަސްވުމުގައި އާރްޑީސީއާއެކު ސޮއިކުރީ މިއަހަރުގެ މަރޗް މަހުގެ 29 ވަނަ ދުވަހުއެވެ.

Ad by Hajj Corporation

ވެލިދޫ ހޮސްޕިޓަލްގެ މަސައްކަތް ސަރުކާރުން ހަވާލުކުރައްވާފައިވަނީ ރޯޑް ޑިވެލޮޕްމަންޓް ކޯޕަރޭޝަން އާރްޑީސީއާއެވެ. އެރަށުގައި ބޭއްވި ރަސްމިއްޔާތުގައި ހޮސްޕިޓަލްގެ ބިންގާ އަޅުއްވައިދެއްވީ ސިއްޙީ ވަޒީރު އަބްދުﷲ ނާޒިމް އިބްރާޙިމްއާއި އާރްޑީސީގެ މެނޭޖިން ޑިރެކްޓަރ އަލީ ޒުހައިރު އަދި ވެލިދޫ ކައުންސިލްގެ ރައީސް އާތިފް ހުސައިންއެވެ.

މި މަސައްކަތް އާރްޑީސީއާ ހަވާލުކުރީ 540 ދުވަހުން ނިންމާގޮތަށް، 108 މިލިއަން ރުފިޔާއަށެވެ.