ދައުލަތުގެ ބެލުމުގެ ދަށުގައި މިދިޔަ މޭމަހުގެ ނިޔަލަށް 148 ކުދިން ތިބި ކަމަށް އިޖުތިމާއީ އަދި އާއިލީ ތަރައްގީއާ ބެހޭ ވުޒާރާގެ ތަަފާސް ހިސާބުތަކުން ދައްކައިފިއެވެ.

އެ ވުޒާރާގެ ތަފާސް ހިސާބު ތަށް ދައްކާ ގިތުގައި، ކުޑަކުދިންގެ ހައްގުތައް ރައްކާތެރިކުރުމުގެ ގާނޫނުގެ ދަށުން މި އަހަރުގެ މެއި 31 ވަނަ ދުވަހުގެ ނިޔަލަށް ދައުލަތުގެ ބެލުމުގެ ދަށުގައި ޖުމްލަ 148 ކުދިންއެބަ ތިއްބެވެ.

Ad by Hajj Corporation

އެގޮތުން މި ކުދިންގެ ތެރޭގައި 82 ފިރިހެން ކުދިންނާއި 66 އަންހެން ކުދިން ހިމެނެއެވެ. އަދި މެއި މަހު ދައުލަތުގެ ބެލުމުގެ ދަށަށް 03 ކުދިން ނެގިފައިވާކަމަށް އެ ވުޒާރާގެ ތަފާސް ހިސާބުތަކުން ދައްކައެވެ.

އެގޮ ތުން، މެއި މަހު ދައުލަތުގެ ބެލުމުގެ ދަށަށް ނެގިފައިވަނީ 03 އަންހެން ކުދިންނެވެ.

މި މުއްދަތުގެ ތެރޭގައި ފޯސްޓަރިންގެ ނިޒާމުގެ ތެރެއިން ދައުލަތުގެ ބެލުމުގެ ދަށުގައި ހުރި 1 ކުއްޖަކު މި އަހަރު މެއި މަހު ފޯސްޓަރ އައިލާއަކާއި ހަވާލުކޮށްފައިވާ ކަމަށް ވުޒާރާއިން ވަނީ ހާމަ ކޮށްފައެވެ. އަދި މި މުއްދަތުގެ ތެރޭގައި ދައުލަތުގެ ބެލުމުގެ ދަށުގައި ހުރި 1 ކުއްޖަކު ވަނީ އަނބުރާ އާއިލާއާއި ރީއިންޓެގްރޭޓް ކުރެވިފައި ކަމަށް ވެސް އެ ވުޒާރާއިން ވަނީ ބުނެފައެވެ.