މިދިޔަ މޭ މަހުގެ ނިޔަލަށް ކުޑަކުދިންނަށް ކުރާ އެކި ބާވަތުގެ އަނިޔާގެ 97 މައްސަލައެއް ދައުލަތަށް ހުށަހަޅާފައިވާކަމަށް އިޖުތިމާއީ އަދި އާއިލީ ތަރައްގީއާ ބެހޭ ވުޒާރާގެ ތަފާސް ހިސާބުތަކުން ދަކައިފިއެވެ.

އެ ވުޒާރާގެ ތަފާސް ހިސާބުތަށް ދައްކާގޮތުގައި، މި ބާވަތުގެ މައްސަލަތަކުގެ ތެރެއިން އެންމެ ގިނައިން ރިޕޯޓުކޮށްފައިވަނީ އިހުމާލުވުމުގެ މައްސަލައެވެ. އެގޮތުން އިހުމާލުގެ 23 މައްސަލައެއް ރިޕޯޓުކޮށްފައިވާ ކަމަށް އެ ވުޒާރާއިން ހާމަކޮށްފައިވެއެވެ. އޭގެ ތެރޭގައި ފިރިހެން ކުދިންނާއި ގުޅޭ 12 މައްސަލައަކާއި އަންހެން ކުދިންނާއި ގުޅޭ 11 މައްސަލައެއް ހިމެއެނެއެވެ.

Ad by Hajj Corporation

ދެވަނައަށް އެންމެ ގިނައިން ހުށަހަޅާފައިވާ މައްސަލައަކީ ޖިސްމާނީ ހާނިކައިގެ މައްސަލައެވެ. އެގޮތުން، މި ބާވަތުވެ 22 މައްސަލައެއް މެއި މަހު އެ ވުޒާރާއަށް ހުށަހަޅާފައިވާ ކަމަށް އެ ވުޒާރާގެ ތަފާސް ހިސާބު ތަކުން ދައްކައެވެ. އޭގެ ތެރޭގައި ފިރިހެން ކުދިންނާއި ގުޅޭ 18 މައްސަލަ އަކާއި އަންހެން ކުދިންނާއި ގުޅޭ 04 މައްސަލައެއް ހިމެނެއެވެ.

މީގެ އިތުރުން، ޖިންސީ ހާނިކައިގެ 16 މައްސަލަ އާއި، ނަފްސާނީ ހާނިކައިގެ 13 މައްސަލައާއި، ގެވެށި އަނިޔާގެ އަމަލެއް ކުރާތަންދެއްކުން ނުވަތަ ފެނުމުގެ 12 މައްސަލަ އާއި،އެހެންކުދިންގެ ފަރާތުން ގަނާލިބުމުގެ 06 މައްސަލައާއި، ބިރުދެއްކުމުގެ ގޮތުން ކުރެވޭ ކަންކަން ނުވަތަ ބްލެކްމެއިލް ކުރުމުގެ 04 މައްސަލައިގެ އިތުރުން، އެހެންކުދިންގެ ފަރާތުން އިންޓަނެޓް މެދުވެރިކޮށް ގަނާ ލިބުމުގެ 01 މައްސަލަ ރިޕޯޓުކޮށްފައިވާ ކަމަށް ތަފާސް ހިސާބުތަކުން ދައްކައެވެ.

ކުޑަކުދިންނާމެދު އިހުމާލުވުމުގެ މައްސަލަތަކަކީ ދިވެހި މުޖުތަމައުގައި ކަންބޮޑުވުން އުފެދިފައިވާ މައްސަލަތަކެއް ކަމަށްވާއިރު، މިފަދަ މައްސަލަތައް ހުއްޓުވުމަށް ސަރުކާރުގެ ކަމާބެހޭ އިދާރާތަކުން އެކި ފިޔަވަޅުތައް އަޅަމުން ގެންދެ އެވެ.