ލައިޕްޒިގްގެ ފޯވަޑް ބެންޖަމިން ސެސްކޯގެ ސޮއި ހޯދުމުގެ ރޭހުގައި މެންޗެސްޓަރ ޔުނައިޓެޑް ނިއުކާސަލްގެ މައްޗަށް ކުރިހޯދައިފިއެވެ. އެގޮތުން ސެސްކޯ މެންޗެސްޓަރ ޔުނައިޓެޑާއެކު އަމިއްލަ ޝަރުތުތަކަށް އެއްބަސްވެފައިވާކަމަށް ފަބްރީޒިއޯ އަދި އޮންސްޓެއިން ވަނީ ރިޕޯޓްކޮށްފައެވެ. މި އެއްބަސްވުމުގެ ދަށުން 2030 ވަނަ އަހަރުގެ ޖޫން މަހާ ހަމައަށް އޭނާ ޔުނައިޓެޑްގައި ކުޅޭނެއެވެ.

ސެސްކޯގެ ސޮއި ހޯދަން މީގެކުރިން އެހެން ކްލަބުތަކުން ޝައުގުވެރިކަން ފާޅުކުރި ނަމަވެސް، ސެސްކޯ އެއްވެސް އެހެން އޮފަރަކަށް މާބޮޑު ސަމާލުކަމެއް ދީފައެއް ނުވެއެވެ. އޭނާގެ އެންމެ އިސް އަމާޒަކަށް ވެފައިވަނީ ޔުނައިޓެޑްއަށް ބަދަލުވުމެވެ.

Sesko ge soi hoadhumah Newcastle aa Manchester United gadha hifumakah | Mendhuru TvTikTokYouTubeInstagramXFacebook

މެންޗެސްޓަރ ޔުނައިޓެޑާއި އާރްބީ ލައިޕްޒިގް އާ ދެމެދު މަޝްވަރާތައް ކުރިއަށްދާއިރު، މި ޑީލް ނިންމުމާ މެދު އިތުބާރު އިތުރުވަމުންދާ ކަމަށް ފެބްރިޒިއޯ ރޮމާނޯ ރިޕޯޓުކޮށްފައިވެއެވެ. ޔުނައިޓެޑާއި ނިއުކާސަލް ސެސްކޯގެ ސޮއި ހޯދުމަށް ގަދަހިފުމަކަށް ގޮސްފައިވާއިރު، އެންމެ ފަހުން ޔުނައިޓެޑުން ހުށަހެޅި ޖުމްލަ އަގު އެޑް-އޮންސްތަކާއެކު 85 މިލިޔަން ޔޫރޯއަށް އަރާނެކަމަށް ބީބީސީއިން ރިޕޯޓްކޮށްފައިވެއެވެ.

ޔުނައިޓެޑްގެ ސްޓްރައިކަރުންގެ މައްސަލައަށް ދާއިމީ ހައްލެއް ހޯދުމަށް ސެސްކޯއަކީ ދުރު މުސްތަގުބަލަށް ކުރެވޭ މުހިންމު އިންވެސްޓްމަންޓެއްގެ ގޮތުގައި ކްލަބުން ދެކެއެވެ.