އިޓަލީގެ އުދިނޭސީގައި ކުޅެވުނު މިއަހަރުގެ ޔުއޭފާ ސުޕަކަޕް ޕީއެސްޖީއިން ކާމިޔާބުކޮށްފިއެވެ. ޕީއެސްޖީގެ ތާރީޚުގައި މިތަށި ފުރަތަމަ ފަހަރަށްނެގީ ސައިނަލުގައި ޓޮޓްނަމް ޕެނަލްޓީގައި ބަލިކޮށްގެންނެވެ.

ޔޫރަޕުގެ ޗެންޕިއަން ޕީއެސްޖީއާއި ދެކޮޅަށް ރޭގައި ޓޮޓްންމް ވަނީ އާދަޔާ ޚިޔާފު މޮޅުކުޅުމެއް ދައްކާފައެވެ. މިމެޗުގެ ފުރަތަމަ ދެގޯލު ޓޮޓްނަމް އިން ކާމިޔާބުކޮށްފައިވާއިރު، މެޗުގެ ބޮޑޫބައެއް ކޮންޓްރޯލްކޮށްގެން ކުޅުނީވެސް ޓޮޓްނަމްއެވެ. މެޗު ނިމޭން 5 މިނެޓަށް ވެފައިވަނިކޮށް ޕީއެސްޖީއިން ފުރަތަމަ ގޯލު ޖެހިއިރު، މެޗު އެއްވަރުކޮށްދިން ގޯލު ކާމިޔާބުކޮށްދިނީ އިތުރުވަގުތުގެ ފަހު މިނެޓުގައި ޑެމްބެލޭގެ ޕާހަކުން ގޮންޒާލޯ ރާމޯސް އެވެ. ފުރިހަމަ ވަގުތު 2-2 އިން ނިމުމާއެކު ނަތީޖާ ނަރެންޖެހުނީ ޕެނަލްޓީ ޖަހައިގެންނެވެ. ޕެނަލްޓީގައި ޕީއެސްޖީ ކުރިހޯދީ 3-4 އިންނެވެ.

Ad by Hajj Corporation

މިމެޗުގެ މޮޅުކުޅުންތެރިޔަކަށްހޮވުނީ ޕީއެސްޖީގެ އސްމާން ޑެމްބެލޭއެވެ. މިއަހަރުގެ ބެލަންޑިއޯއަށް ވާދަކުރާ ކުޅުންތެރިންގެ ލިސްޓް މިހާރު އިޢުލާނު ކުރެވިފައިވާއިރު، މިތަށްޓާއެކު ޑެމްބެލޭޭ އަށް މިއަހަރު މިއެވޯޑް ލިބުން ވަރަށް ގާތެވެ.

މި މުބާރާތުގެ އެންމެ ގިނަ ޓައިޓަލް ހޯދާފައިވަނީ ރިއަލް މެޑްރިޑުން 6 ޓައިޓަލާއެކުއެވެ. އޭގެ ފަހަތުން ބާސެލޯނާ އާއި އޭސީ މިލާން ވަނީ 5 ޓައިޓަލް ހޯދާފައެވެ. ލިވަޕޫލް އިން 4 އަދި އެޓްލެޓިކޯ މެޑްރިޑުން 3 ޓައިޓަލް ހޯދާފައިވެއެވެ.