ހިއުމަން ރައިޓްސް ކޮމިޝަން އޮފް ދަ މޯލްޑިވްސްގެ މެންބަރުކަމުގެ މަގާމަށް މ. ކޮޕީ، މުހައްމަދު ޝަފީގު އައްޔަނުކުރެއްވުމަށް ރައްޔިތުންގެ މަޖިލީހުން ރުހުންދީފިއެވެ.

އެ މަގާމަށް ޝަފީގު އައްޔަނުކުރަން ވޯޓުގައި ބައިވެރިވެވަޑައިގެން 65 މެމްބަރުން ވޯޓުދެއްވިއެވެ.

Ad by Hajj Corporation

އަންނަ މަހުގެ 8 ވަނަ ދުވަހަށް އެޗްއާރްސީއެމްގެ ދެ މެމްބަރެއްގެ މަގާމުގެ މުއްދަތު ހަމަވާއިރު މަގާމަށް ޝައުގުވެރިވެ ފޯމު ހުށަހެޅި ފަރާތްތަކުގެ ތެރެއިން ރައީސްއަށް ފެނިވަޑައިެގން ދެ ނަމެއް ވަނީ މަޖިލީހަށް ފޮނުވާފައެވެ.

އެޗްއާރްސީއެމްގެ މެންބަރުކަމުގެ މަގާމަށް ރައީސް ދެން ނަންފޮނުއްވީ ހ. ސޯސަން، މުހައްމަދު ފާރިސް ތޯހާގެ ނަމެވެ. ނަމަވެސް ގެވެށި އަނިޔާގެ މައްސަލައެއްގެ ތުހުމަތު އޮތުމުން އޭނާގެ ނަން ފާސްކުރަން ބޭނުންވާ މިންވަރަށް ކޮމިޓީން މާކްސް ލިބިފައެއް ނުވެއެވެ.

މިހާރު އެޗްއާރުސީއެމްގައި ތިއްބާވާ ބޭފުޅުންނަކީ ކޮމިޝަނުގެ ރައީސް މަރިޔަމް މުނާ ، ނައިބު ރައީސް މޫމިނާ ވަހީދު ، ސަމާއު އަހުމަދު ނަޖީބު، އާމިނަތު ޝިފާތު އަބްދުއްރައްޒާގު އަދި އިސްމާއީލް ހަބީބެވެ.