ކުރީގެ ރައީސް އަބްދުﷲ ޔާމީނަކީ މީހެއްގެ މައްޗަށް އެއްވެސް ސަބަބަކާއި ހުރެ ނުރުހިއްޖެނަމަ އެމީހަކާ މެދު ކޮންމެ ފަދަކަމެއްވެސް ހިންގަފާނެ މީހެއްކަން އޭނާގެ ވެރިކަމުގެ މުއްދަތުގައި ވަނީ ވަރަށް ރަނގަޅަށް ދިވެހި ޤައުމަށް ސާބިތުކޮށްދީފައިކަމަށް ވިލާ ކުންފުނީގެ ޗެއާމަން އަދި ޖުމްހޫރީ ޕާޓީގެ ލީޑަރު ގާސިމް އިބްރާހީމް ވިދާޅުވެއްޖެއެވެ. 

ވިލާ އެއާގެ ދަށުގައި އޮތް ކާޑެއްދޫ އެއާޕޯޓާ ގުޅިގެން ފެތުރެމުންދާ ވާހަކަތަކާއި މިކަމާ ގުޅިގެން ރައީސް ޔާމީން ދައްކަވާފައިވާ ވާހަކަތަކުގެ ހަގީގަތް ބަޔާންކޮށް އެކްސްގައި ޝާއިއުކުރެއްވި ލިޔުމެއްގައި ގާސިމް ވިދާޅުވީ ތިމާއާ އެއްބަފާ ބޭބެ، އަދި ދިވެހިޤައުމަށް އެތަކެއް ޚިދުމަތްތަކެއް 30 އަހަރު ދުވަހު ކުރެއްވި ރައީސް މައުމޫން އާއި ރައީސް މައުމޫންގެ ދޮށީ ފިރިހެންދަރިކަލުން ފާރިސް މައުމޫންއާއި ރައީސް މައުމޫންގެ ދަނބިދަރިފުޅު މުޙައްމަދު ނަދީމް، ރަމަޟާން މަހާއި އެކު، 9 މަހަށްވުރެ ގިނަ ދުވަހު ޖަލުގެ ތޭރިތަކުގެ ތެރޭގައި، އެއްވެސް ކުށެއް ނެތި، ބަންދުކުރި އިންސާނަކު އެނޫން ދުރުތިބީންނާއި، ޢާންމުންނާއި މެދު ކޮށްފައި ނުކުރާނެ ކަމެއް ނޯންނާނެކަން ދިވެހިރައްޔިތުންނަށް އޮޅިފައި ނުވާނެކަމަށެވެ.

Ad by Hajj Corporation

ވިލާކުންފުންޏާއި އަދި އެމަނިކުފާނާ މެދު ޔާމީންގެ ހިތުގައި އޮންނަ ގިލަންވެރި އަދި ހަސަދަވެރިކަމަށް ލުއިކަމެއް ހޯދަން ރައްޔިތުންގެ ކުރިމަތީގައި ކުންފުނީގެ އަދި އެމަނިކުފާނުގެ މަސައްކަތްތަކުގެ އަގުވައްޓާލަން އުޅުނު މިއީ ފުރަތަމަ ފަހަރެއް ނޫންކަމަށް ގާސިމް ވިދާޅުވިއެވެ.

"ޔާމީން އެފަދަ ކަންތައް ކުރައްވާތާ ކިތަންމެ ދުވަހެކެވެ. ރޭގަނޑެއްގެ ފަރުދަންވަރު ރާއްޖޭގެ ކްރިމިނަލް ކޯޓު ހުޅުވައި އަޅުގަނޑު އައިސީޔޫގެ އެނދުގައި އެނދުމަތިކޮށްފައިވަނިކޮށް، އަޅުގަނޑަށް ޤާނޫނުއަސާސީއާއި ޚިލާފު ޙުކުމް ކުރުވި ބޭފުޅަކު އަޅުގަނޑާއި އަޅުގަނޑުގެ ޢާއިލާއާއި މެދު ކޮށްފައި ނުކުރާނޭ އެއްކަމެއްވެސް މި އުޑުދަށުގައި ނުވާނެކަން ކަށަވަރެވެ. އަޅުގަނޑުގެ ދަރިފުޅު، އިބްރާހީމް ސިޔާދު ޤާސިމް އެއްވެސް ހެއްކެއްނެތި 5 މަސްދުވަހު ޖަލުގައި ބާއްވާ ޝަރީޢަތް ހިންގުވިއެވެ. އާޚިރު ނަތީޖާއަކީ ޔާމީންގެ ވެރިކަމުގައި، ހެކިނެތިގެން، ކްރިމިނަލް ކޯޓުން އިބްރާހީމް ސިޔާދު ޤާސިމް މިނިވަންކުރުމެވެ." ގާސިމް ވިދާޅުވިއެވެ.

ރައީސް ޑރ. މުޙައްމަދު މުޢިއްޒު އަކީ، ރައީސް ޔާމީން ކަހަލަ ޤާނޫނީ އިމުން ބޭރުން މީހުންގެ މުދާހިފައި، އަނިޔާދޭޒާތުގެ ބޭފުޅެއް ނޫންކަމަށް ގާސިމްވިދާޅުވިއެވެ.

ވިލާއަށް ނުހައްޤު ބަދަލެއްދެނީ ކަމަށް ބުނެ ރައްޔިތުންނަށް ކަމުގެ ހަޤީޤަތް އޮޅޭނޭހެން، "ޔާމީން" ބޭއްވި ޢާންމު ބައްދަލުވުމެއްގައި މައްސަލަ އޮޅުވާލާފައިވާކަމަށް ގާސިމް ވިދާޅުބވިއެވެ.

" ޔާމީން އަކީ ޒާތީ ހަސަދަވެރިއެއްކަން އިނގިހުރެވެސް، އަދި އެއްފަހަރަށް ވުރެ ގިނަ ފަހަރު "ޤާސިމް" ލުނބޯ ކިބައެއްހެން "ފެލާލާނެ" ކަމަށް އެކި ފަހަރުމަތީން، ރައީސް ޔާމީން ބުނެފައިވީނަމަވެސް 2013 ގެ ރިޔާސީ އިންތިޚާބުގެ ފަހު ބުރުގައި އޭނާއަށް ދިވެހިރާއްޖޭގެ ވެރިކަމާއި ހަމައަށް ވާސިލްވެވުނީ އަޅުގަނޑުގެ ނުހަނު ބުރަމަސައްކަތުންނެވެ. " ގާސިމް ވިދާޅުވިއެވެ.

އިންތިހާބުގައި ޔާމިނަށް ތާއީދު ކުރީ އެއީ ކާކުކަން ނޭނގިހުރެގެންނެއް ނޫންކަމަށާއި ނަމަވެސް، ކުރީގެ ރައީސް މައުމޫންގެ އެދިލެއްވުމާއި އަދި ހަރުކަށި ކުލައިގެ ކިތަންމެ ބަޔަކު ކުރި އާދޭހުގެ ސަބަބުން އޭރު އޮތް ހާލަތުން، ޤައުމަށް ހެޔޮގޮތް އެދިގެންކަމަށް ގާސިމްވަނީ ވިދާޅުވެފައެވެ.