ލޯކަލް ކައުންސިލު އިންތިޚާބުގައި ޖޭޕީގެ ކެންޑިޑޭޓުން ވާދަކުރާނީ މާމިގިލި ދާއިރާގެ ރަށްތަކުގައި އެކަނި ކަމަށް ޖުމްހޫރީ ޕާޓީ (ޖޭޕީ) އިން ބުނެފިއެވެ.

ޖޭޕީގެ މި ނިންމުން ހާމަކޮށް އެ ޕާޓީން ބުނީ، ޖޭޕީގެ ނިންމުމަކީ ލޯކަލް ކައުންސިލު އިންތިޚާބުގައި ހަމައެކަނި މާމިގިލި ދާއިރާއަށް ކެނޑިޑޭޓުން ނެރުން ކަމަށެވެ. އަދި ލޯކަލް ކައުންސިލް އިންތިޚާބުގައި ސަރުކާރަށް ތާއިދު ކުރަން ނިންމާފައިވާ ކަމަށެވެ.

Ad by Hajj Corporation

މި އިންތިޚާބަށް އެޕްލިކޭޝަން ހުށަހެޅޭނީ މައި ޕޯޓަލް މެދުވެރިކޮށްކަމަށް އިލެކްޝަންސް ކޮމިޝަނުން ބުނެއެވެ.

ކުރިއަށް އޮތް ލޯކަލް ކައުންސިލް އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިޚާބުގައި ވާދަކުރަން ބޭނުންވާ ފަރާތްތަކުން އެޕްލިކޭޝަނަށް ހުށަހަޅާނީ، my.elections.gov.mv ޕޯޓަލް މެދުވެރިކޮށް، އޮންލައިންކޮށް މަޢުލޫމާތު ހުށަހަޅުއްވައިގެންނެވެ. އަދި މިދިޔަ ޑިސެމްބަރުމަހުގެ 1ގެ ފަހުން ނާގަފައިވާ މުޅި އުމުރުގެ ކުށުގެ ރިކޯޑާއި، ދަރަނި ކްލިއަރެންސް ރިޕޯޓު އަޕްލޯޑު ކުރަންޖެހޭނެއެވެ.
އޭޕްރީލްމަހުގެ 4 ވަނަ ދުވަހު ބޭއްވުމަށް ހަމަޖެހިފައިވާ ލޯކަލް ކައުންސިލް އިންތިޚާބުގައި ހުރިހާ ދާއިރާއަކަށް ޕީއެންސީގެ ކެނޑިޑޭޓުންނަށް ވާދަކުރުމަށް ހަމަޖެހިފައިވާއިރު، އެ ޕާޓީން މިހާރު ވަނީ ޕާޓީގެ ޕްރައިމަރީ ބޭއްވުމަށްފަހު ކެނޑިޑޭޓުންވެސް ކަނޑައަޅާފައެވެ.