ކޮވިޑް-19ގެ ދުވަސްވަރު ޕީސީއާރް ޓެސްޓު ހެދުމުގެ ޚިދުމަތް ފުޅާދާއިރާއެއްގައި ދިން ދެ ކުންފުންޏަކުން ލިބުނު އާމްދަނީގެ ޓެކްސް ބަޔާންތައް އޮޅުވާލި މައްސަލައިގައި ޑރ. އަލީ އަބްދުﷲ ލަތީފާއި ޑރ. އިކްލީލް ޝަރީފްގެ މައްޗަށް ގިނަ ދައުވާތަކެއްކޮށް ކޯޓަށް ފޮނުވައިފިއެވެ.

މި ދެ ބޭފުޅުންނަކީ މި މައްސަލައިގައި ހިމެނޭ ޕައިނިއާ މޯލްޑިވްސް އާއި އައިލެންޑް ހެލްތް ސޮލިއުޝަންސްގެ ހިއްސާދާރުންނާއި ކުންފުނި ހިންގުމުގައި އިސްކޮށް އުޅުއްވި ބޭފުޅުންނެވެ.

Ad by Hajj Corporation

ޕްރޮސިކިއުޓަރ ޖެނެރަލްގެ އޮފީހުން ޑރ. އަލީ ލަތީފްގެ މައްޗަށް ޓެކްސް ދެއްކުމުން ގަސްދުގައި އެއްކިބާވުމުގެ ތިން ދައުވާއެއް ކޮށްފައިވާއިރު، ޑރ. އިކްލީލްގެ މައްޗަށް އެ ކުށުގެ ފަސް ދައުވާއެއް ވަނީ ކޮށްފައެވެ. މީގެ އިތުރުން އެ ދެ ކުންފުނީގެ މައްޗަށާއި، ސައްހަނޫން މައުލޫމާތު ހިމެނޭ މާލީ ހިސާބުތައް ތައްޔާރުކޮށްދި ން އަލީ ފަޔާޒުގެ މައްޗަށް ވެސް ވަނީ ދައުވާ އުފުލާފައެވެ.

Gasdhugai tex ah makaru hadhafaivakamah thuhumathukoh 2 doctarakah dhauvakoh dhinumah edhijje | Mendhuru TvTikTokYouTubeInstagramXFacebook

މީރާއިން ކުރި އޮޑިޓްތަކުން ދައްކާގޮތުގައި، މި ދެ ކުންފުނިން ވަނީ ޓެކްސް ބަޔާންތަކުގައި އާމްދަނީ ބޮޑުތަނުން ދަށްކޮށް ދައްކާފައެވެ. އެގޮތުން އައިލެންޑް ހެލްތް ސޮލިއުޝަންސްއިން 4.3 މިލިއަން ރުފިޔާ އަދި ޕައިނިއާ މޯލްޑިވްސްއިން 23.7 މިލިއަން ރުފިޔާ ޓެކުހުގެ ގޮތުގައި ދައުލަތަށް ދައްކަންޖެހޭ ކަމަށް މީރާއިން ވަނީ ކަނޑައަޅާފައެވެ.

ޕީޖީ އޮފީހުން ބުނެފައިވަނީ މި މައްސަލައިގައި ކުށް ސާބިތުވާ ހާލަތުގައި، ގާނޫނުގައި ކަނޑައެޅިފައިވާ އެންމެ ބޮޑު އަދަބު ދިނުމަށް ކޯޓުގައި އެދޭނެ ކަމަށެވެ. މި ދައުވާތައް އުފުލާފައިވަނީ ކުންފުނިތަކުގައި އެ ބޭފުޅުން އަދާކުރި އިސް ދައުރަށާއި ހިއްސާ އޮންނަ މިންވަރަށް ރިއާޔަތްކުރުމަށްފަހުގައެވެ.