ރައީސް އޮފީހުގެ ތަރުޖަމާން މުޙައްމަދު ހުސައިން ޝަރީފު، ކޮންމެ ހަފުތާއެއްގެ ބުރާސްފަތި ދުވަހު ނޫސްވެރިންނާ ބައްދަލު ކުރައްވަން ނިންމަވާ ފުރަތަަމަ ބައްދަލުވުން ބާއްވައިފިއެވެ.

އެގޮތުން ފުރަތަމަ ބައްދަލުވުން އޭޕްރިލް 30 ވީ ބުރާސްފަތި ދުވަހު ބާއްވާފައިވާއިރު، މި ސިލްސިލާ ކުރިއަށްގެންދަނީ "ޕްރެސަރ ވިތު ދަ ސްޕޮކްސް" ގެ ނަމުގައެވެ. މި ޕްރޮގްރާމް ފައްޓަވައިދެއްވައި ތަރުޖަމާނު ވިދާޅުވީ މާލޭގައި ހުންނަވާ ކޮންމެ ހަފުތާއެއްގައި ބުރާސްފަތި ދުވަހު ނޫސްވެރިންނާ ބައްދަލުކުރައްވާނެ ކަމަށެވެ.

މި ބައްދަލުކުރެއްވުމުގައި ސަރުކާރުން ކުރިއަށްގެންދާ މަސައްކަތްތަކުގެ އެންމެ ފަހުގެ މައުލޫމާތު ހިއްސާކުރައްވާ ނޫސްވެރިން މަސައްކަތް ކުރަމުންދާ ޚަބަރުތަކަށް ސަރުކާރުން ބޭނުންވާ މައުލޫމާތު ހިއްސާކުރައްވާނެ ކަމަށް ތަރުޖަމާނު ވިދާޅުވިއެވެ. މީގެ ސަބަބުން ނޫސްވެރިންނަށް މައުލޫމާތު ހޯދުމުގައި އިތުރު ލުއިފަސޭހަތަކެއް ލިބިގެންދާނެ ކަމަށް އުއްމީދުކުރައްވާ ކަމަށް ވިދާޅުވިއެވެ.

ތަރުޖަމާނު އިތުރަށް ވިދާޅުވީ ސަރުކާރުގެ މައުލޫމާތު ރައްޔިތުންނާ ހަމައަށް ފޯރުކޮށްދިނުމަށް "ޕްރެސަރ" ގެ އަޑާއި މަންޒަރު އަދި ސަރުކާރުން ކުރިއަށްގެންދާ މަޝްރޫއުތަކުގެ އެންމެފަހުގެ އަދާހަމަ އިންސްޓަގްރާމް އަދި ޓިކްޓޮކް މެދުވެރިކޮށް ވެސް ހިއްސާކުރައްވާނެ ކަމަށެވެ. އެގޮތުން، "ދަފީޑް.އެމްވީ" ގެ ނަމުގައި އިންސްޓަގްރާމް އާއި ޓިކްޓޮކް އެކައުންޓް ވަނީ ތައާރަފުކޮށްފައެވެ.

Ad by Hajj Corporation