ސިވިލް ކޯޓަށް ގާޟީން ހޯދަން ހުޅުވާލުން 42 ފަރާތަކުން ކުރިމަތިލާފައިވާ ކަމަށް ޖުޑީޝަލް ސަރވިސް ކޮމިޝަނުން ބުނެފި އެވެ.

ސިވިލް ކޯޓަށް ގާޒީން ހޯދުމަށް އެ ކޮމިޝަނުން އިއުލާން ކޮށްފައި ވަނީ މިދިޔަ މަހުގެ 21 ވަނަ ދުވަހު އެވެ. އެ ކޮމިޝަނުން ގެޒެޓްކޮށްފައިވާ އިއުލާނުގައިވާ ގޮތުން ސިވިލް ކޯޓަށް މިވަގުތަށް ބޭނުން ވަނީ ތިން ގާޒީން ނެވެ.

Ad by Hajj Corporation

އެ ކޯޓުގެ ގާޒީ އަކަށް މެޑިކަލް އިންޝިއުރަންސްގެ އިތުރުން އަސާސީ މުސާރައިގެ ގޮތުގައި 37,700 ރުފިޔާ އަދި އެލަވަންސްތަކުގެ ގޮތުގައި 22،300 ރުފިޔާ ދެ އެވެ. މަދަނީ މައްސަލަތަކުގެ ތެރެއިން ޢާއިލީ މައްސަލަތައް ފިޔަވައި އެންމެހައި މަދަނީ މައްސަލަތައް ފުރަތަމަ މަރުޙަލާ ބަލަމުން ދަނީ ވެސް ސިވިލް ކޯޓުންނެވެ.

ޖުޑީޝަލް ސަރވިސް ކޮމިޝަނުން ބުނީ ޤާޟީކަމަށް ކުރިމަތިލާ ފަރާތްތަކުގައި ގާޒީއެއްގެ އަސާސީ ޝަރުތުތައް ހުރުމާ އެކު، ސިޔާސީ ޕާޓީއެއްގެ މެމްބަރަކަށް ވެގެންނުވާނެ އެވެ.